புரிவுறு - புரிதல். இடைவிடாது செய்தல். சொல்லுதல் என்றலுமாம். இப்பொருட்குப் புரிவுறு தொண்டு, கைத்தொண்டு என்று கூட்டுக.

போற்றிச் செய்தல் - மிகவும் பாராட்டிச் சோர்வுபடாது செய்தல்.

செய்வார் - எய்தி - வணங்கி வைகி - சாத்தி - புனைந்து - போந்து - எய்திச் - சேர்ந்தார் என்று மேல்வரும் பாட்டுடன் கூட்டி முடிக்க.

பரிவுறுநற் றிருத்தொண்டு - என்பதும் பாடம்.

191

1457. (வி-ரை.) எறிபுனல் பொன்மணி சிதறும் திரைநீர் - "திகழ்ந்தபுனற் கொள்ளிடம்பொன் செழுமணிக டிரைக்கரத்தான், முகந்துதர" (1041) என்ற விடத்துரைத்தவை
பார்க்க.

கீழ்ப்போந்த கொள்ளிடத்தின் தன்மை, மேல் உள்ள காவிரியில் மிக்குக் காணப்படும் என்பது.

அன்பினோடு - வணங்கி - என்க. தேவாரக் குறிப்புக்கள் பார்க்க. அன்பினோடு - சென்றெய்தி எனவும், அன்பினோடு -வணங்கி எனவும் இருதலையும் கூட்டி உரைக்க நின்றது. இடைநிலைத் தீபம்.

வைகி - பலநாள் அத்தலத்திற் றங்கி.

மகிழ - தாம் மகிழ்வுறவும், இறைவர் மகிழவும், உலகம் போற்றி யுய்ந்து மகிழ என்றலுமாம். மாலை என்றதற்கேற்பச் சாத்தி என்றார்.

அரவம் புனைந்தார் - திருநாகேச்சுரம் என்ற தலப்பெயர்க்கேற்ற பொருள் விரித்துக் கூறும் அடைமொழி.

அருந்தமிழ்மாலை - மாலை - சாதியொருமை. நாயனாரது திருநேரிசை, திருக்குறுந்தொகை, திருத்தாண்டகம், வகைக்கு ஒவ்வொன்றாக மூன்று திருப்பதிகங்கள் இப்போது கிடைத்துள்ளன.

பழையாறு - பழையாறை - எனவும், ஆறை எனவும் வழங்கப்படும். அமர்நீதி நாயனார் அவதரித்த தலம். அவர்தம் புராணத்தினிறுதியிற் றலவிசேடம் பார்க்க. (பக்கம் 688).

செறிவிரை நன் மலர்ச்சோலை - காவிரி நாட்டின் நீர்ச் செழிப்பும் பிறவளங்களும் குறிக்கப்பட்டது. நேரிற் கண்டோர் இதன் உண்மைத் தன்மையினை அறிவர்.

திருச்சத்திமுற்றம் - தலவிசேடம் பார்க்க. காவிரிக்குத் தென் கரையில் 22-வது தலம்.

சத்தி முற்றத்தை - என்பதும் பாடம்.

192

திருவாவடுதுறை - முதல்முறை தரிசித்தது.

I திருச்சிற்றம்பலம்

திருத்தாண்டகம்

திருச்சிற்றம்பலம்

பதிகக்குறிப்பு :- திருவாவடுதுறை யிறைவரை அடைந்து உய்ந்தேன். "ஆவடுதண் டுறையுண் மேய வரனடியே யடிநாயே னடைந்துய்ந் தேனே"