| சந்தி ரன்னொடு சூரியர் தாமூடன்; வந்து சீர்வழி பாடுகள் செய்தபின்;
ஐந்தலையர வின்பணி கொண்டருள், மைந்தர் பொன்மணி நாகேச் சரவரே. |
4 பதிகக் குறிப்பு :- திருநாகேச்சரவர் நல்லர்; வல்வினை தீர்க்கும் மருந்துகள் வல்லர்; பலிதிரி செல்வர்; நாவல்தீவினில் வாழ்பவர்க்குப் பாவம் பற்றறுத்திடும் தேவர்; சந்திரனாலும் சூரியனாலும் நாகராசனாலும் பூசிக்கப்பட்டவர்; அவர் நாமமாகிய ஐந்தெழுத்தினை ஒதுவார்க்கு அண்ணிக்கும் தேனர்; உலகத்தவராடிடும் தீர்த்தர். பதிகப் பாட்டுக் குறிப்பு :- (1) பலிதிரி செல்வர் - உலகமெல்லாந் தம்முடையமையாக்கொண்ட செல்வர்; ஆயினும் பலிதிரிந்துண்பர்; அது அடியார் பொருட்டாம்.- (2) நாவலம் பெருந்தீவு - ஜம்புத்தீபம் என்பர் வடவர். பாரதநாடு. எந்நாட் டவர்க்கு மிறைவராயினும் நாவற்றீவைப் புண்ணிய நிலமாகக் கொண்டு விளங்க வீற்றிருப்பர். "பேசி லத்திசை யொவ்வா பிறதிசை" (புரா).- (4) இத்தலத்தில் - சந்திரர் - சூரியர் - நாகராசன பூசித்தது தல வரலாறு.- (5) குமண்டை - செருக்குச் செயல். "கூடுமுயிருங் குமண்டையிட" (திருவா - குலர்ப்) விதாதா - பிரமன். செண்டர் - பந்தினையுடையார். செண்டு - பந்து. "எச்சனைத் தலையைக் கொண்டு பந்தடித்து" (திருவிசை) நிலைகுலைத்தவர்.- (7) அண்ணிக்கும் - இனிக்கும்.- (9) சுட்ட செய்கையராயினும் குளிர்விக்கும் சிட்டர் - முரண் அணி. குட்ட வல்லினை - தொகுதியாகிய - ஆழ்ந்த - கடுவினை.- (10) ஆடிடுந் தீர்த்தர் - தீர்த்தம் - தூய்மை செய்வது. நீருக்கு வழங்கும் காரணப்பெயர். அதற்கேற்ப ஆடிடும் என்றார். "செழுநீர்த் திரளைச்சென் றாடினேனே" (தேவாரம்). பதிக முழுதும், போல் - போல்வர் - ஈறு குறைந்தது. ஆவர் என்ற பொருளில் வந்தது. போல் அசை என்பாருமுண்டு. III திருச்சிற்றம்பலம் | திருத்தாண்டகம் |
| தாயவனை வானோர்க்கு மேனோ ருக்குந் தலையவனை மலையவனை யுலகமெல்லாம்
ஆயவனைச் சேயவனை யணியான றன்னை யழலவனை நிழலவனை யறிய வொண்ணா
மாயவனை மறைவனை மறையோர் தங்கள் மந்திரனைத் தந்திரனை வளரா நின்ற
தீயவனைத் திருநாகேச் சரத்து ளானைச் சேராதார் நன்னெறிகட் சேராதாரே. |
1 பதிகக் குறிப்பு :- தாயவன் - உலகமெல்லாம் ஆயவன் - மந்திரன் - தந்திரன் - தன்னடைந்தார் தம்வினைநோய் பாவமெல்லாம் அரித்தான் - காதலித்து நினையாத கயவர் நெஞ்சில் வாரான் - மதிப்பவர்தம் மனத்துளான் - நேசர்க்கு நேசன் - நீள்வான முகடதனைத் தாங்கிநின்ற மலையான் - தன்பக்கல் விரும்பு வார்க்கு மெய்யான் - விரும்பாத வரும்பாவியர்கட்கென்றும் பொய்யான் - தன்னினையா வஞ்சர் தம்மை மறந்தான் - அஞ்செழுத்தும் வாய்நவில வல்லோர்க் கென்றுஞ் சிறந்தான் - ஒருவருமீங் கறியா வண்ண மென்னுள்ளத் துள்ளே யொளித்துவைத்த சிறையான் குறியிலாக் கொடியேனை யடியேனாகச் செய்தான் - வான்பயிர் - அப்பயிரின் வாட்டந் தீர்க்குந் துளியான் - அடைந்தோர் பாவந் தீர்த்தான் என்பன முதலிய பண்புகளுடைய திருநாகேச்சரத்துள்ள இறைவனைச் சேராதார் நன்னெறிகட் சேராதாரே. பதிகப் பாட்டுக் குறிப்பு :- (1) தாயவன் - தாய்போன்றவன். எல்லாப் பொருளிலும் தாவியுடனிருந்தவன். " தாவியவனுடனிருந்துங் காணுத தற்பரன்" (தேவா. கோளிலி). உலகமெல்லாம் ஆய்வன் - தனது மாயாசக்தியினிற்றும் உலகங்களைத் தோற்றுவிப்பவன். வளராநின்ற தீயவன் - உலகத்தை வளர்க்கும் |