களே பாம்பொன்றும்; ஆணவ இருளே நீளிரவு என்றும் உபசரிக்கப்படுவன என்று இங்குத் தத்துவ நுட்பங்கள் காண்பாருமுண்டு. ஆணவமே உயிர்க் குற்றமெனப்படும். ஆணவவிருளில் இறைவன் நடம் செய்வன் என்பனவும் பிறவும் கேட்கப்படாதன. எனவே இவ்வாராய்ச்சியின் பொருத்தங்கள் ஆராயத்தக்கன. காளவிடம் - சார்ந்தாரைக் காக்கும் தன்மையும், பணிக்கலன் - தீமையும் நன்மையாய்ப் பயக்கின்றமையும், நீளிரவு - ஊழிக்காலத்து உலகமும் உயிர்களும் ஒடுங்கியமையும் உணர்த்துவன என்ப.

வணங்க நேர்பெற்றார் - வணங்குதலை வாய்க்கப் பெற்றனர். கழல் நேர் வணங்கப் பெற்றார் என்க.

199

குறிப்பு :- திருநல்லூரினின்றும் தெற்கில் வெட்டாறு என்னும் ஒடம்போக்கியாற்றின் தென்கரையில் உள்ளது திருக்கருகாவூர். குறுக்குப்பாதை 3 நாழிகையளவு இருக்கும். இப்போது காணும் வண்டிப்பாதை வழி சென்றால் தென் கிழக்கில் 2 நாழிகையளவில் திருஆவூரை அடைந்து அங்கிருந்து மேற்கே நான்கு நாழிகையளவில் கருகாவூரை அடையலாம். பாலைத்துறை திருநல்லூஃரினின்றும் வண்டிப்பாதை வழி மேற்கில் இரண்டு நாழிகையளவில் அடையத்தக்கது.

திருக்கருகாவூர்

1

திருச்சிற்றம்பலம்

பதிகக் குறிப்பு :- கருகாவூரெந்தை தானே குருகாம் - வயிரமாம்; பாலின் நெய்யும் பழத்தினிரதமும் பாட்டிற் பண்ணும்போல் எங்கும் பிரிப்பின்றிக் கலந்துளனாம்; உண்ணின்ற நாவிற்குறையாடியாம்; வித்தாம் முளையாகும் வேரேதானாம்; கொண்ட சமயத்தார் தேவனாரும்; அல்லலறுப்பானுமாம்; சேர்ந்தாரிடர்கள் தீர்க்கும் செல்வனாம்; சொல்லுவார் சொல்லெல்லாஞ் சொதிப்பானாம்; இவை முதலிய தன்மைகளையுடைவன். சிவனது அநாதி முதன்மை குறித்தது.

பதிகப்பாட்டுக் குறிப்பு :- (1) குருகாம் - குருகு - விலங்குகளின் இளமைப் பெயர். இளைமைப்பண்பு குறித்து நின்றது. வயிரம் - தாவரங்களின் முதுமை பற்றிய பெயர்; முதுமைப்பண்பு குறித்து நின்றது. இவையிரண்டும் ஆகுபெயர். கூறுநாள் - பகலவனால் நாள் என்று கூறுபடுத்தப்பட்ட கால அளவு. கொள்ளும் கிழமை - ஞாயிறு முதலிய கோள்களின் பெயர்களையும் உரிய பண்புகளையும் கொள்ளும் கிழமை. கோளே - அவ்வப்பெயர்க்குரிய தெய்வம். ஏகாரம் - தேற்றம். கோளேதானாம் - தானாம் -அத்தெய்வங்களுக்குண்ணின்று இயக்கும் சிவசத்தி. பாலின் நெய் முதலிய மூன்றும் அத்துவிதக்கலப்பை உணர்த்தின. நாவிற்கு உள் நின்ற உரையாடி என்க. வாக்கும் உரையும், அவ்வுரையை வெளிப்படுப்பவனும். கருவாய் உலகுக்கு முன்னே தோன்றும் - உலக முதற்காரணமாகிய மாயையை இயக்கும். கண் - காட்டிக்காணும் தன்மை.- (2) வித்து - முளை - வேர் - "வித்தினை முளைக்கிளையை வேரை" (ஆவடுதுறை - தாண் - 3 - பார்க்க). பத்தாம் - அடியார் குணம் பத்தும் உடைய. "பத்துடையீர்" (திருவா). கத்தாம் - கருத்து என்பது கத்தென நின்றது? கத்தன் - தலைவன் என்றலுமாம்.- (3) பூ - நிறம் - மணம் - கோ - "முகைத்த மலரின் வாசம்போல்", "மலர்கள் போதவிழ்ந்து