(வி-ரை.) கரண்டம் - நீர்க்காக்கை. காரண்டம் என்பதன் சிதைவு. பொய்கைக் காழி என்றும், புனற்புகலூர் என்றும் அவதரித்த இடமும் சேர்ந்திருந்த இடமும் நீர்ச்சிறப்புப் பற்றிக் கூறப்பட்டன; அன்பின் நீர்மையின் தண்ணளி குறிப்பதற்கு.

காதல் - அன்பின் பெருக்கு.

நிலச்சிறப்பும் நீர்ச்சிறப்பும் குறிப்பது.

நோக்கி - அதுவே கருத்தாக. "வேட்கை கூர ஒருப்படுவார்" (1495). திருப்பைஞ்ஞீலிக்குச் செல்லும்போது பசியும் இளைப்பும் கருதாது சென்றருளும் நாயனாரது சித்த நிலை இங்குக் கருதற்பாலது.

மகிழ்ந்து - ஆளுடைய பிள்ளையாரைக் கண்டு வணங்கும் பேறு கிடைக்கப் பெறுதற்கு மகிழ்ந்து.

திரண்டு வரும் - இவ்விரு பெருமக்களும் சேர்ந்தணையும் வாழ்வு காண ஆர்வமுடன் திரண்டு.

சேர்ந்த போதில் - கூடியபோது.

நிலவின் கடல்கள் - நிலவொளிப் பிழம்பேயாகிய இரண்டு கடல்கள் "அவரணிந்த, சேமநிலவு திரு நீற்றின் சிறந்த வெண்மைத் திருந்தொளி (1018), "வெண்ணீற்றொளி போற்றி" (திருஞான - புரா - 216), "வெண்ணீற் றின் பேரொளி போன்றது நீணிலா" (308) என்பனவற்றால் நிலவினொளி திருநீற்றினொளிக்கு உவமிக்கப்படுதல் காண்க. இனி நிலவு ஆகுபெயராய் நிலவு போன்ற வெள்ளியபாலினை உணர்த்தி நின்றதெனக் கொண்டு இரண்டு பாற்கடல்கள் ஒன்றாகி யணைந்தன போல என்றுரைத்தலுமொன்று. "பாலுந்துறு திரளாயின பரமன்" (புள்ளமங்கை - நட்டபாடை) என்ற ஆளுடைய பிள்ளையார் தேவாரம் காண்க.

இரண்டு - ஒன்றாகி - அணைந்தனபோல் - சிவானந்த அத்துவிதக் கலப்புப் போல என்றதும் குறிப்பு. ஒன்றாகி - கலப்பினால் ஒன்றுகூடி. இசைதல் - மாறின்றிப் பொருந்துதல். "அருட்பெருகு தனிக்கடலும்" (1450) என்றதும் பிறவும் பார்க்க.

அன்றே - கண்ட அப்பொழுதே. அன்று - ஏ அசை யென்பாருமுளர்.

நேர் நோக்கி - திரணடுவரும் - என்பனவும் பாடல்கள்.

233

வேறு

235

1499. (இ-ள்.) திருநாவுக்கரசர் ... இறைஞ்ச - எதிரே சென்று திருநாவுக்கரசு நாயனார் வணங்க; சிரபுரத்து ... எதிர் வணங்கி - சிரபுரத்தில் வந்தருளிய தெய்வத் தன்மையான வாய்மை பொருந்திய பெருமையுடைய திருஞானசம்பந்தப் பிள்ளையார் எதிர் வணங்கி; "அப்பரே! நீர் ... வகுத்துரைப்பீர்" என்று கூற - "அப்பரே! நீர் வரும் நாளில் திருவாரூரில் நிகழும் பெருமையினை வகுத்