6

திருச்சிற்றம்பலம்

பதிகக் குறிப்பு :- முழுமுதலாகிய இறைவர் திருநள்ளாற்றில் விளக்கமாக வீற்றிருந்தருள்கின்றார்; அவர் நம்பி; அவரை அடியேன் நினைக்கப்பெற்று உய்ந்தவாறு தான் என்னே! அற்புதம்!

பதிகப் பாட்டுக் குறிப்பு :- (1) ஆதிக்கண்ணான் - பிரமதேவன் - முதலிற் படைக்கப்பட்டவன். ஆதிக்கண்ணானது முகங்களுள் ஒன்று. "யோகரஹ்மாணம் விததாதிபூர்வம்" (எவன் முதற்கட் பிரமாவைப் படைக்கின்றானோ), "யோவைவேதாஞ்ச பிரஹிணோதிதஸ்மை" (எவன் அப்பிரமனுக்கு வேதங்களைக் கொடுக்கின்றானோ) என்பது சுவேதாசுவதாரம். "சங்கற்பத்தில் "அத்யப்ரஹ்மண :" ஆதிக்கட்டோன்றிய பிரமனுடைய என்பதும் காண்க. (இவை ஸ்ரீமத் முத்துக் குமாரத் தம்பிரான் சுவாமிகள் உதவிய குறிப்புக்கள்.) அல்லாத சொல் - ஐம்முகனாகியஇறைவனோடொப்பத் தானும் ஐம்முகவன் என்ற சொல். கைவாள் - கை - ஆகுபெயர். நகமாகிய வாள். திருவடி - பெரியோன். "வாகீசத் திருவடி" (1374). செல்ல - உயிர்கள் செல்வதற்கு. சிவலோக நெறி - சிவனுலகம் புகும் நெறி. சரியையாதி சிவநெறி நான்கு. நாதி - நாதன். இகர விகுதி ஆளி என்பது போல நாதனாந் தன்மையுடையவன் என்ற பொருள் குறித்தது. ஆறே! - ஏகாரம். என்ன அற்புதம் என்று வியப்புப் பொருளில் வந்தது. -(2) ஆ! ஆ! - இரக்கக் குறிப்பு. சங்கத்த முத்து - சங்கு ஈன்ற முத்து.-(3) அடலரவம் - ஆதிசேடன். மரணி - பிரமசாரி; மார்க்கண்டர். நடலரவம் - துன்பம்.-(4) விடு தோடு - தொங்கும் தோடு. ஒளிவிடும் தோடு எனினுமாம். "வானி, னகலா மீனி னவிர் வன விமைப்ப" (முருகு). சுட்டங்கம் - உலகம் சுட்ட ஊழியில் எஞ்சிய நீறு. -(5) சிலந்தி - திருவானைக்காவில் பூசித்துப் பின் கோச்செங்கட் சோழராக வந்தவர். கலந்தார் - தாமென்றும் அவனென்றும் பிரித்துக் காணாதபடி தியான உறைப்பினாற் கலந்தவர்.-(6) குலம் - பசுக்கள் என்ற குலம். கோள் - பாசம். பாசத்(கட்டு)தினாற் கொள்ளப்பட்ட போது உயிர்கள் பசுவாகிய குலஞ் சாரும்; கட்டு நீக்கியபோது பதியாகியகுலம் சாருமென்பது ஞானசாத்திரம். மலம் - ஆணவம். மாதீர்த்தம் - தூய்மை செய்யும் தண்ணிய அருள். ஆட்டிக்கொண்ட - ஆட்டி, அதனாற்றூய்மையாக்கித், தம்மிடத்தே கொண்ட. சலம் - கோபம். தயாமூலதன்ம மென்னும் - தன்மங்களுக் கெல்லாம் மூலமாகிய அன்பு என்னும் அறம். தாழ்ந்தோர் - தாழ்வெனுந் தன்மையுள் நின்றோர். தாழ்ந்தோர் - விரும்பியவர் என்றலுமாம். -(7) புகலூரானை - திருப்புகலூரினின்றும் போந்து திருநள்ளாறு தரிசித்து நினைந்து மீண்ட குறிப்பு. தே இரியச் சிதைத்தானை என்று கூட்டுக. தே - தேவர்கள். இனிய - பலபுறமும் சிதைந்து ஓட. அவன் - தக்கன். -(8) காளத்தியானைக் கயிலை மேய் நால்லானை - கயிலையும் காளத்தியும் ஒப்பென்ற குறிப்பு. -(9) முனிவன் - மார்க்கண்டர். குன்றாத - நினைவு குறையாத. அன்றாக - பகைமையாக. சென்றியாது என்றது சென்றது என நின்றது சென்றது. ஒன்று - வேண்டிய அந்த ஒன்று. சிவனே எம்பெருமான் எமது பற்றுச் சிவனேயாம். -(10) உறவாகி