இரண்டுகரையும் - இடங்கள் - மேற்கு நோக்கி ஒரே முகமாகச் சென்றால் காவிரியின் கரையில் தெற்கும் வடக்குமாக எதிர் தோன்றும் தலங்களைக் கலந்து தரிசித்தனர். கலந்து (1454) என்றவிடத் துரைத்தவை பார்க்க.

தமிழ் மாலைகளும் சாத்தி - திருப்பதிகங்கள் பாடித் துதித்து.

எங்கும் நிறைந்த புகழாளர் - வாகீசர். அவரது புகழ் எங்கும் நிறைந்த தொன்றாதலின் அங்கங்கும் அடியார்கள் தெரிந்து எதிர்கொண்டமைக்குக் காரணமாயிற்று என்பார் இத்தன்மைபற்றிக் கூறினார்.

ஈறில் - குணத்தால் அளவு படாதவர். "அளவிலாத பெருமையர்.....அளவிலா அடியார்".

301

தலத் தேவாரக் குறிப்புகள் :- இங்கு "இரண்டு கரையும் பொருவிடையார் தங்குமிடங்கள்" என்றவற்றுட் கருதப்படும் தலங்கள் பல. அவற்றுட் பலவற்றுக்கு நாயனார் பதிகங்கள் கிடைத்தில. கிடைத்தவற்றுள்ளும் சில தலங்களின் தேவாரக் குறிப்புகள் மட்டும் இதன்கீழ்த் தரப்படுவன. ஏனையவை வந்துழிக் காண்க.

திருவையாறு - திருப்பூந்துருத்தி என்ற தலங்களின் பதிகக் குறிப்புக்கள் பின்னர் நாயனாரது சரித நிகழ்ச்சியில் வரும் உரிய இடங்களிற் றரப்படுவன.

திருவாலம்பொழில்

3

திருச்சிற்றம்பலம்

பதிகக் குறிப்பு :- கருவாகிக் கண்ணுதலாய் வருவான், உணர்வெலா மானான், ஓசையாகி வருவான், உருமூன்றா யுணர்வின்க ணொன்றானான், ஓங்கார மெய்ப் பொருள், உடம்பினுள்ளாற் கருவீன்ற வெங்களவை யறிவான். விரிந்தான், குவிந்தான், பிறப்போடிறப்பாகி நீன்றான். பொல்லாத என்னழுக்கிற் புகுவான் - என்றிவை முதலிய தன்மைகளா லறியப்படுகின்ற திருவாலம்பொழில் இறைவரை நெஞ்சே சிந்திப்பாயாக.

பதிகப் பாட்டுக் குறிப்பு :- (1) கருவாகி - உலகுக்குக் காரணமாய் நிற்கும் மாயையைத் தன் பரிக்கிரக சத்தியாக உடையவன். "கருவினா லன்றியே