பதிகக் குறிப்பு :- ஆழி பெறபேண்டித் திருமால் தவஞ் செய்து பெற்ற திருமாற்பேற்றினைத் தொழ வினை தேயும்; கவலை தீரும்; துயரம் இல்லை; கைதொழுவார் பரலோகம் பெறுவர்; அவர் எம்மையாளுடையார்களே; மாற்பேறுடைய நாயகர் தமது திருநாமத்தை மகிழ்ந்துரைத்து அழவல்லார்களுக்கு அன்புசெய்து இன்பொடும் வழுவிலா அருள் செய்பவர்.

பதிகப் பாட்டுக் குறிப்பு :- (1) பொரும் ஆற்றின் படை - போர்செய்யும் வழியால் உறும் படை. சக்கரம். ஆற்றின் வரும் பூம்புனல் மலர் - நதியின் நீரும் மலரும் என்க. உம்மைத்தொகை. ஆறு - இங்கு இத்தலத்தினை அடுத்து வடக்கில் உள்ள பழைய பாலாறு. கருமாற்கு - கரிய திருமாலுக்கு. வழிபடும் - திருமால் வழிபட்ட தலவரலாறு. 2, 3-லும் இவ்வரலாறு போற்றப்படுதல் காண்க. - (2) கோலத்தால் உரை செய்தவன் - வாகக்னிாற் சொல்லாது தாம் வீற்றிருந்த நிலையும், காடடிய ஞானமுத்திரையும் ஆகிய கோலத்தினால் உணர்த்தியவர் ஏல - மிகவும். - (3) மணிவண்ணன் - திருமால். மணி - நீலமணி. - (7) திருநாமம் - திருவைந்தெழுந்து. அழவல்லார் - அன்பு மேல்லீட்டினால் அழுபவர். வழுவிலா - பொய்யாத. - (10) வருத்தி ஆரருள் செய்தவன் - மன்னர் வருத்தம் செய்து, பின்னர் இரங்கி நிறைந்த அருள் செய்தவர். அருத்தி - ஆசை.

பதிகக் குறிப்பு :- மாற் பேற்றின் இறைவர், அஞ்செழுத்தும் இதி உணர்வார்களது உள்ளத்தே மாதும் தாமும் மகிழ்வர்; அவர் நாமங்கள் நித்தலும் நினையின் வைச்ச மாநிதி யாவர்; பணிதிரேல் மாத்திரைக்குள் அருள்வார்; மருந்து மாகுவர்; வாட்டந் தீர்த்து வையமாளவும் வைப்பர்; அந்தமில்லா இன்பம் வந்து அணுகும்.

பதிகப் பாட்டுக் குறிப்பு :- (2) வைச் - சேமித்து வைத்த. - (3) சிவனது நினைவின்றிச் சாத்திரமுமு கோத்திரமும் குலமும் பயன்றரா என்பது கருத்து. இது கொண்டு, குலம் கோத்திரம் சாத்திரம் முதலியவை பயனில்லாதன என்றும், அவை விட்டுவிட்த் தக்கன என்றும் நாயனார் கருதியதாகக் கொள்வார்சிலர்; அது தவறு; அவை தம்மை மறந்த நிலையில் தூங்கினவன் கைப்பொருள் போலத் தாமாய் நழுவத்தக்கன வன்றி நாமே விடத்தக்கன வல்லவென்பது. - (6) இந்நாட் கொடிய போர் காரணமாக வரும் கேடுகளைத் தவிர்க்க நல்லுபதேசமா மித் திருப்பாட்டு. - (10) அந்தமில்லதோர் இன்பம் - பேரின்பம்.