தில்லையப்பாற், றீயா யெரிந்து பொடியாய்க் கழிந்த திரிபுரமே" என்ற திருவிருத்தக் கருத்து. முன்காலத்தில் என்றலுமாம். கணை எய்யுமுன் என்றதும் குறிப்பு. இவையெல்லாம் உட்கொண்டு "புரமூன்று மெரித்தருள் வெடுத்த தனிப் பொருப்பார்வெஞ் சிலையார்" (1604) என்றது காண்க. முந்தி என்றதற்கேற்பச் சிந்திப்பார்...செல்வனார் - நினைப்பார்க்கு நினைக்கும் முன்னே வினை தீர்ப்பர் என்றதும் விரைவுக் குறிப்பு. அந்திக்கோன் - சந்திரன். சந்திரனுக்கு அருளியது தலவரலாறு. பந்தி - கற்றையாகிய; பின்னல் கொண்ட; வரிசை பெற விரிந்த. -(2) படர்ந்த நாகத்தா - நீளர வந்தனைப் பற்றி ஆட்டுவர் (4) தீயதொர் பாம்பு மாட்டுவர் (9); படவரவொன் றதுவாட்டி - (தாண் -3). தலவரலாறு, தரலவிசேடம் பார்க்க. (3) காறு - கரிய. கொடிய. கொல்லும் விடமுடைய. (4) வெற்றியூர் - தேவார வைப்புத்தலங்களுள் ஒன்று; ஒற்றி - ஊர்ந்து. உகந்து என்றலுமாம். (5) மட்டவிழ்ந்த.....வேட்கையார் - கண்ணி - தலைவி. மலர் நெடுங்கண்ணி - பூப்போன்ற கண்களையுடையவள். மட்டு - தேன். மணம் என்றலுமாம். இப்பாட்டுத் தாய் கூற்றாகிய அகப்பொருளில் அமைந்தது. தோழி கூற்றுமாம். இப்பாட்டுத் தாய் கூற்றாகிய அகப்பொருளில் அமைந்தது. தோழி கூற்றுமாம். துட்டர் - துட்டுத் தன்மையுடையவர். -(6) எல்லி - வெயில். தோழி கூற்றாகிய அகப்பொருள். மேல் வரும் இரண்டு பாட்டுக்களும் இக்கருத்தின. -(10) பரியர் - நுண்ணியர் - அணுவோர் அண்டமாம்படி நேரிய னாதலால் உயிர்க்குயிராதலும், அண்டமோர் அணுவாம்படி பரியனுமா தலால் எங்குமாய் நிற்றலும் பெறப்படும். பாசூரடிளே - பதிகத்தின் மகுடம்.

திருச்சிற்றம்பலம்

பதிகக் குறிப்பு :- விண் முதலிய பூதங்களும், எண்ணும் எழுத்தும், கண்ணும் மணியும் காட்சியும் ஆவார்; வேதமும் ஆறங்கமுமாகி விரியும் பொருட்கெல்லாம் வித்துமாவர்; அனல்கையேந்திக் காளிகாணக் குடமுழவச் சதிவழியே கூத்தாட வல்ல குழகர்; வேடனாய் ஏனத்தின் பின் கூடினார்; சிலந்திக்கும் ஆனைக்கும் அருளினார்; அருமந்த நன்மையெல்லாம் அடியார்க்கீவர்; விடமுண்ட கண்டர்; கூற்றுவனை உதைத்து அந்தணனைக் கைக்கொண்டருளியவர் என்றிவ்வாறு பல பெருமைகளால் அறியப்படும் பாசூர் மேய பரஞ்சுடரைக் கண்டு அடியேன் உய்ந்தவாறு.

பதிகப் பாட்டுக் குறிப்பு :- (1) இயல்பு - விரும்புகின்ற - இயல்பு - வேதம் என்க. இயல்புடையதனை இயல்பென்றது உபசாரம். எண் - கணிதமுடைய சோதிடம். தருக்கமுமாம். எழுத்து - இலக்கணம். "எண்ணெண்ப" (குறள்). கண்மணி - காட்சி - இறைவன் காட்டுமுபகாரம் செய்தல் குறிப்பு. -(2) வித்து - விந்து - சுத்த மாயை. கூதல் - குளிர். சாரல். -(3) வரைகள் ஏழு - கயிலை, இமயம், மந்தரம், விந்தம், நிடதம், ஏமகூடம், கந்தமாதனம், "ஏழ்கடலு மேழ்மலையுமானான்" (தாண்), விசும்பின் உச்சி - ஐம்பூதங்கடந்த நிலை. குட முழவச் சதி - நந்தி