அக்கோலம் - காண் எனப் பணித்துக்காட்ட அவர் கண்டு தொழுது நின்ற அந்த என அகரம் முன்னறி சுட்டு. கோலம் - காட்சி; "கயிலையி லிருந்தநின் கோலம்" (1633.) சேயது ஆக்கினார் - மறைத்தனர் என்பதாம். சேயதாக்குதல் ஒரு பொருளை எட்டாதபடி செய்தல்; தூரிப்பதாக்குதல். திரு ஐயா றமர்ந்தமை திகழ - திருவையாற்றில் தாம் உலகங் காண முன் எழுந்தருளிய கோலம் வெளிப்பட நாயனாருக்குக் கயிலைக் கோலம் காட்டிய போதும் ஐயாறமர்ந்தமை உள்ளதாயினும் அப்போது அது கயிலைக் கோலத்தினுள் மறைந்து நின்றது; பின்னர் இப்போது அது திகழ நின்றது என்பதாம். அருளிச் - சேயதாக்கினார் - முன் 1640 முதல் 1644 வரை ஐந்து பாட்டுக்களும் மகா சதாசிவ மூர்த்தி தரிசனக் குறிப்புத் தருவனவாயின், இத்திருப்பாட்டு அதோ முகதரிசனக் குறிப்புத் தருவதெனக் கூறலாம். ஆயகாலையி லமர்மனங் களியுற - மேயநாயகர் - என்பனவும் பாடங்கள். 382 1648. | ஐயர் வேடமங் களித்தகன் றிடவடித் தொண்டர்
மையல் கொண்டுள மகிழ்ந்திட வருந்தி, "மற் றிங்குச்
செய்ய வேணிய ரருளிது வோ?" வெனத் தெளிந்து
வைய முய்ந்திடக் கண்டமை பாடுவார் மகிழ்ந்து, |
383 வேறு 1649. | "மாதர்ப் பிறைக்கண்ணி யானை மலையான் மகளொடு" மென்னுங்
கோதறு தண்டமிழ்ச் சொல்லாற் குலவு திருப்பதி கங்கள்
"வேத முதல்வரை யாற்றில் விரவுஞ் சராசர மெல்லாம்
காதற் றுணையொடுங் கூடக் கண்டே" னெனப்பாடி நின்றார்; |
384 1650. | கண்டு தொழுது வணங்கிக் கண்ணுத லார்தமைப் போற்றிக்
கொண்ட திருத்தாண் டகங்கள் குறுந்தொகை நேரிசை யன்பின்
மண்டு விருத்தங்கள் பாடி வணங்கித் திருத்தொண்டு செய்தே
அண்டர் பிரான்றிரு வையா றமர்ந்தனர் நாவுக் கரசர். |
385 1648. (இ-ள்.) ஐயர்...அகன்றிட - பெருமான் தாம் இவ்வாறு திருக்கயிலாயத்திருந்த கோலத்தை அங்குக் காணக்கொடுத்து மறைத்தருளினாராக; அடித்தொண்டர்...வருந்தி - திருவடித் தொண்டு பூண்ட நாயனார் மயங்கி உள்ளத்தில் முன்போலவே இன்னும் மகிழ்ச்சி பெற்றிருக்கும் வண்ணம் வேண்டி வருந்தி; மற்று...எனத் தெளிந்து - "இனி, இங்குச் சிவந்த சடையினை யுடையராகிய இறைவரது திருவருள் இவ்வளவு தானோ?" என்று தெளிவு கொண்டு; வையம் உய்ந்திட - உலகம் உய்யும் பொருட்டு; கண்டமை - தாம் கண்ட செய்தியினை; மகிழ்ந்து பாடுவார் - மகிழ்ச்சியோடும் பாடுவாராகி, 383 1649. (இ-ள்.) மாதர்ப் பிறை...என்னும் - "மாதர்ப் பிறைக் கண்ணியானை மலையான் மகோளடும்" என்று தொடங்குகின்ற; கோதறு...திருப்பதிகங்கள் - குற்றமறும் தண்ணிய தமிழின் சொல்லினாற் குலவும் திருப்பதிகங்களை; "வேதமுதல்வர்...கண்டேன் எனப் பாடி நின்றார் - "வேதமுதல்வராகிய சிவபெருமானுடைய திருவையாற்றிலே, பொருந்தும் சரிப்பனவும் நிற்பனவுமாகிய உயிர்கள் யாவையும், காதல் பொருந்திய தமது துணைகளுடனே கூடக்கண்டேன்" என்ற கருத்துப் புலப்படப் பாடி நின்றனராகி, 384 |