வானிலும் நிலத்தும் வாழும் உயிர்கள். ஆகு பெயர். இனம் பற்றிக் கீழுலகத்தவர்களையும் கொள்க. அன்றினார் - பகைவர். IIIதிருச்சிற்றம்பலம் | திருக்குறுந்தொகை |
| கொல்லி யான்குளிர் தூங்குகுற் றாலத்தான், புல்லி யார்புர மூன்றெரி செய்தவன்,
நெல்லியானிலை யானநெய்த்தானனைச், சொல்லிமெய்தொழு வார்சுடர்வாணரே. முன்கை நோவக் கடைந்தவர் நிற்கவே, சங்கியாது சமுத்திர நஞ்சுண்டான்
நங்கை யொடு நவின்றநெய்த் தானனைத், தங்கை யாற்றொழு வார்தலை வாணரே. |
திருச்சிற்றம்பலம் பதிகக் குறிப்பு :- கொல்லியான், குற்றாலத்தான், குரவன், முதலியவாற்றால் அறியப்படும் திருநெய்த்தானத்தின் இறைவரைத் தொழுவார் சுடர்வாணர் - வலிவாணர் - இன்ப வாணர்; அவரது வினை பாறும். பதிகப் பாட்டுக் குறிப்பு :- கொல்லி - கொல்லிமலை; தேவார வைப்புத் தலங்களுள் ஒன்று; குளிர் தூங்கு - இடைநிலைத் தீபமாய் கொல்லியுடனும், குற்றாலத்துடனும் கூட்டியுரைக்க நின்றது. புல்லியார் - புன்மையுடையோர். கீழ்மையோர். நெல்லி - நெல்வேலியை யுடையவன். நெல்லிக்காவையுடையவன் என்றலுமாம். வாணர் - வாழ்நர். வாழ்வை யுடையவர். சுடர்வாணர் - சுடர் - ஒளி. ஞான ஒளி குறித்தது. ஒளியுடன் வாழ்பவர். (4)ம் (9)ம் இவ்வாறு. - (2) இரவன் - இரப்பவன். நிரவன் - அழித்தவன். நிரவுதல் - தரைமட்ட மாக்குதல். கொடி வாணர் - கொடி சூழ்தல்போலப் புகழாற் சூழப்படுவோர். - (3) மலரிடைத் தேன் பாயும் என்க. - (4) விண்டவர் - பகைவர். - (5) முன்கை......நிற்க. நகைச் சுவைபடக் கூறியது. சங்கியாது - ஐயமின்றி. உறுதியாக. - (7) கொள்ளி - சுடுகாட்டுக் குறைக்கொள்ளி. - (8) நெற்றி ஆர் அழல் கண்ட - நெற்றியில் தீக்கண்ணினையுடைய. - (9) மாலொடு - நான்முகன் - காலொடு முடி என்று நிரனிறையாகக் கூட்டுக. சேலொடும் செருச் செய்யும் - சேல்மீன்கள் ஒன்றோடொன்று தாக்குதல் செருச்செய்வது போலும் என்றதாம். தற்குறிப்பேற்றம். செரு - போர். "போர்த்தொழில் புரியும் பொரு காவிரியும்" (திருவிடை - மும் - 7). மால் - மயக்கம். அன்பு மேலீட்டினால் தன்வச மிழத்தல் மால் எனப்பட்டது. - (10) புரிந்து - இடைவிடாது சொல்லி. அன்பு செய்து என்றலுமாம். பரிந்தன் - பரிவு செய்தவன். இரங்கியவன். பாறும் - அழியும். IVதிருச்சிற்றம்பலம் | திருத்தாண்டகம் |
| வகையெலா முடையாயு நீயே யென்றும் வான்கயிலை மேவினாய் நீயே யென்றும்
மிகையெலா மிக்காயு நீயே யென்றும் வெண்காடு மேவினாய் நீயே யென்றும்
பகையெலாந் தீர்த்தாண்டாய் நீயே யென்றும் பாசூ ரமர்ந்தாயு நீயே யென்றுந்
திகையெலாந் தொழச் செய்வாய் நீயேயென்று நின்றநெய்த்தானாவென்னெஞ்சுளாயே. |
1 திருச்சிற்றம்பலம் பதிகக் குறிப்பு :- வகையெலா முடையாயும் நீயேயென்றும், ஆர்த்தவெனக்கன்பன் நீயே யென்றும் இவ்வாறு பலவாறும் நின்ற நெய்த்தானத்திறைவரே! நீர் எனது நெஞ்சினுள்ளீர். பதிகப் பாட்டுக் குறிப்பு :- (1) வகை எலாம் உடையாய் - ஆன்மாக்களின் பாசத்தைப் போக்கி இன்பமளிக்கும் வகைகள். மிகை எலாம் மிக்காயும் |