முன்னுணர்வின் முயற்சியினால் - முன்னைய பிறவியின் உணர்வு சார அந்த மன எழுச்சியினாலே; திருவிருத்தம் பல மொழிந்தார் - பல திருவித்தங்களைப் பாடியருளினர்.

(வி-ரை.) மன்னிய அந்தக்கரணம் மருவு தலைப்பாட்டினால் - இதுகாறும் புறம்பேயும் இறைபணியினின்று பத்தரது திருவேடத்தையும் சிவாலயத்தையும் பரமேசுவரனெனக்கண்டு வியாபரித்து நின்ற அறிவு இச்சை செயல்கள் உண்முகமாக மடங்கிச் சிவானந்த மொன்றையே விடயீகரித்து நின்றமையால்.

தலைப்படல் - விடயீகரித்தல். "தலைப்பட்டாள் நங்கை தலைவன் றாளே" என்புழிப்போலக் கொள்க.

அந்தக்கரணம் - அந்தக்கரணங்களை அதிட்டித்து நிற்கும் அறிவு இச்சை செயல்களை அந்தக்கரணமென் றுபசரித்தார்.

தன்னுடைய சரணான தமியேனை - பாசங்களின் வாசனையினும் நீங்கித் திருவடியொன்றையே விடயீகரித்து நிற்றலின் இவ்வாறு கூறினார். "அறுகயி றூச லானேன்" (தேவா) என்றதுங் காண்க. "தமியே னுளம்புகுதல்" என்ற சிவஞானபோத உதாரண வெண்பாப் பகுதியுரை காண்க.

தன்னுடைய....இருத்திடும் - இது திருவித்தப் பதிகத்தின் கருத்தும் உட்குறிப்புமாம். பதிகக் குறிப்பும் பதிகப் பாட்டுக் குறிப்பும் பார்க்க. பதிக முதற்பாட்டின் குறிப்பினை நாயனாரது திருவுள்ள நிலையை புலப்படுக்கும்படி ஆசிரியர் எடுத்துக் காட்டியவாறு.

திருவிருத்தம் பல - பதிகப் பாட்டுக்கள் பல. பதிக முழுதும் கிடைத்திலது!

இனிச் சேவடிக்கீழ் இசத்திடும் - இனி - இவ்வுலகில் வந்த குறையாவும் தீர்ந்து விட்டபடியால் இனி வேறு இங்குத் தங்கும் செயலில்லை என்றது குறிப்பு.

சரண் ஆன - சரணமாக - புகலாக - வந்தடைந்த. தமியேன் - வேறு துணையில்லாதவன். உலகச்சார்பு - உடற்சார்பு - உயிர்ச்சார்பு முற்றும் நீங்கிய நிலையில் உன்னையன்றி வேறு சார்பில்லாதவன். "உன்பற் றொழிய ஒருபற்று மில்லையுடையவனே."

இருத்துதல் - நல்லதவத்தில் குறைகண்டு முன்னர் உலகிற் செல்ல விட்டது போல விடாமல் நிலையாய் வைத்தல் என்றது குறிப்பு.

முன்னுணர்வின் முயற்சி - முன்னைப் பிறவியின் உணர்வுவந்து மூள, அந்த மன எழுச்சியினால் வந்த முயற்சி, மனத்தூண்டுதல் வாக்குக்குக் காரணமாய்நிற்பது. "முன்னமே முனியாகி யெனையடையத் தவமுயன்றான்" (1313), "பண்டுபுரி நற்றவத்துப் பழுதினள விறைவழுவுந், தொண்டர்" (1314) என்றவையும் ஆண்டுரைத்தவையும் காண்க.

426

திருப்புகலூர்

திருச்சிற்றம்பலம்