தோட்டத்துள் - இது சோழ நாட்டிற் காணப்படும் அமைதியாக மனையை அடுத்து உள்ளது. இதனால் பரிகலக் குருத்து வாடுதலின்றிப் புதிதாய் இருக்கவேண்டுமென்ற கருத்துப்பற்றித் திருவமுது ஆக்கியபின் குருத்துக் கொண்டுவரவிட்டனர் என்பது கருதப்படும்.

பெரிய வாழை மல்லல் அம் - குருத்து - "குருநாளக் குருத்து" (1469) என்ற தனை விரித்தபடி காண்க. முன் சொல்லியது தாய் தந்தையர் குறிப்பின் ஏவியதும், ஈண்டுக் கூறியது அதனை அதனின் மேலாய் மகன் நிறைவேற்றியதுமாம்.

வான் அரா ஒன்று - வாள் - ஒளி - வாள் போன்று துன்பம்செய்து வதைப்பது என்றலுமாம். "சுடர்விடு நாகம்" (தேவா), "புற்றில்வா ளரவு மஞ்சேன்" (திருவா). அரவுக்கு ஒளியாவது கண்களினின்று வீசும் விடத்தன்மையுடைய ஒளி ஒன்று; "கண்ணெரி காந்துகின்ற பையரவு" (1807); இலங்கையில் உள்ள "திருஷ்டி விட" முடைய பாம்பு வகையினையும் காண்க. இனி, விடப் பல்லின் கூரிய வொளி மற்றொன்று; "கடுவோ டொடுங்கிய தும்புடை வாலெயிறு" (முருகு); "அரவின் வாயின் முள்ளெயி றேய்ப்ப வரும்பீன்று குரவம்பரவை முருகமர் சோலைக் குற்றாலம்" (பிள். தேவா); இவையன்றி அரவுகளின் உடலில் பன்னிறமுடைய மேல் கீழ்த்தோலின் ஒளி ஒன்று; மணிகளின் ஒளியும் குறிப்பு.

அல்லல் உற்று அழங்கிச் சோர - விரைந்து ஏவப்பட்டுப் புக்கு அறிந்த மூத்த திருநாவுக்கரசு என்ற எழுவாய் மேம்பாட்டினின்றும் வருவிக்க; மேல்வரும் மூன்று பாட்டுக்களினும் இவ்வாறே எழுவாய் வருவித்துக் கொள்ள.

அங்கையில் - குருத்தினை அரிந்த கையினில். குருத்தினைப்பற்றி அரியலுற்ற போது அவ்விடத்துத் தங்கிய அரவு கையினில் தீண்டுதல் இயல்பு. வாழைக் குருத்துக்களுள் இவ்வாறு சேரும் விடப்பிராணிகளின் தீமையும் நீங்கும் பொருட்டுப் பரிகல இலைகளை முன்னர் நீரால் கழுவியிடும் மரபு வழங்குவதாம். "நீரால் - விளக்கி" (1821) என்பது காண்க.

தீண்டிற்று - அரவு கொத்திக் கடித்தலுக்கு வழங்கும் மரபு வழக்கு.

அன்றே - அப்பொழுதே; அசை என்றொதுக்குவாறுமுளர்.

ஓல்லையிலணைந்து - அழுங்கி வீழ - என்பனவும் பாடங்கள்.

24

25

26

27

1807. (இ-ள்.) கையினில்....வீழ்த்து - கையினில் தீண்டிக், கையினையே சுற்றிக்கொண்டு கண்களில் எரியினை வீசுகின்ற நச்சுப்பையினையுடைய அந்த