(கு - ரை.) மயக்கம் ஆம் - விரகநோய் தோன்றக் காரணம் ஆகிய. வனம் - அழகு. முயக்கம் - கலவி. முளி கருஞ் சேதகப் பயம்பில் - குழைந்த கரிய சேறு நிறைந்த பள்ளத்தில். புயக்கலாது - கரைமேல் எடுத்து விடுதற்கு இயலாதவாறு. அருவினைப் புயக்கு - கொடிய வினையாகிய பாம்பின் நஞ்சை. நயக்க மேவரும் - கெடுத்துக் காத்தருள முன்வரும். நலத்தரும் அருள் - நன்மையைச் செய்யும் அரிய திருவருள்.

மடவார் முயக்கமாகிய சேதகப் பயம்பில் அழுந்திய வினைப் புயக்கு நயக்க தணிகையான் அருள் மேவரும் என்க.

புயங்கம் - பாம்பு, ஈண்டு ஆகுபெயராய் நஞ்சை உணர்த்தியது. 'புயங்கம்' என்பது கடைக் குறைந்து நான்கன் உருபு ஏற்று 'புயக்கு' என்று ஆயிற்று. 'நைக்க' என்பது நயக்க எனத் திரிந்து நின்றது. 'புயக்கு' - உருபு மயக்கம்.

(27)

(கு - ரை.) பொறிவழி இகந்த மருள் இலார் - பொறிகள் ஐந்தையும் புலன்வழி செல்லாவாறு அடக்கிய மெய்யுணர்வுடையார். வழுத்துநரேல் - போற்றி வருவார்களாயின். இருள் இலாதவர் - அறியாமையின் நீங்கியவர், நரகை அடையாதவர். ஐயம் ஒன்று இல்லை - சிறிதும் ஐயமில்லை.

அருளிலாதவராயினும், தீநெறியில் ஈட்டிய பொருளுடைய ராயினும் தணிகையான்றனை வழுத்துநரேல் இருள் இலாதவர் ஆவதற்கு ஐயம் இல்லை
என்க.

(28)

(கு - ரை.) மீட்டும் - மறுபடியும். மன்றல் - நறுமணம். ஓதியர் - கூந்தலையுடைய மகளிர். குறும்பு - வலிமை, கொடுமை. நீவு - துடைத்தருள்கின்ற. கோணை - அழிவின்மை.

ஓதியர் போகமாதிகள் எலாம் வளர்த்து நின்ற ஆணவக் குறும்பினை நீவு வேலவன் அருளினால் வீடு இன்று வேண்டினும் மீட்டும் வேண்டாமையின் ஈண்டும் என்க.

(29)