கரத்தை நீண்ட நாவினாற்றுதித்துத் திருவாடை யின்கட் டங்கப்பெற்ற மேகலா பரணத்தை யணிந்த அல்குலையுடைய உமாதேவியாரைப் பாகத்திலேயுடைய சிவபெருமான் புகழை அதிகமாகத் தங்கச் செய்கின்ற செவியினை
யுடையவர்களாவார்கள்.

(வி - ம்.) அழுத்து - தங்கிய. அழுத்தி - இருத்தி. பஞ்சு - ஆடை. சொல் - புகழ். விஞ்ச - மிக; ஈறுதொக்கது. அழுத்து - நிறைக்கின்ற.

(8)

(இ - ள்.) இத்தன்மையான் மேன்மை மிகுந்து புதிதாகிய வள்ளற்றன்மை நிலைபெறுகின்ற நைமிசாரணியத்தின்கண் வேறிடத்துள்ள பெரிய தவத்தினர் நல்ல யாகத்தூணை நாட்டி மகஞ்செய்தலைக் கருதி ஒன்றோடொன்று பொருந்திய எழுகடலும் வந்து ஆண்டுக் கூடிய தென்று சொல்லும்வண்ணம் கூடினார்.

(வி - ம்.) யாணர் வண்மை - புதிதாகிய வள்ளற்றன்மை, யூபம் யாகத்தினாட்டுந்தூண். முற்றினார் - அடைந்தார்.

(9)

வேறு

(இ - ள்.) பிருகும், உக்கிரசீலனும், போதாயணனும், பிசுங்கியும் விபாண்டகனும், துருவாசனும், நாரதனும், சுப்பிரனும், புதனும், சுமதியும், அத்திரியும், சங்கமனும், அரிதகனும், பவுலனும், சுமுந்தரனும், ஆபத்தம்பனும், அகத்தியனும், கருணனும், அங்கிரசனும், பருப்பதனும், கார்த்தியாயணனும், கண்ணுவனும்.

(10)

(இ - ள்.) பவுமனும், பாசதரனும், பராசரனும், பங்கென்பவனும், பப்புரு என்பவனும், பக்குவனும், கவுசிகனும், கபிலனும், கலாதரனும், காணனென்பவனும், காலனும், கைவல்லியனும், கவுதமனும், சரபங்கனும், முற்கலனும், காலவனும், பண்டிதோத்தமனும், சவுனகனும், சதானந்தனும், வாரனென்பவனும், சாதாதபனும், சமதக்கினியும். இதனை அண்மினர் (13) என்ற வினைமுற்றுடன் முடிக்க.