(இ - ள்.) குறிஞ்சி நிலத்தின்கணுள்ள மலையானது ஒளிவிடுகின்ற அரவங்களின் மணிகளையும் வயிரங்களையும் ஒலிக்கின்ற அருவியாகிய கரங்களால் நீண்ட கடற்குக் கொடுப்ப, குளிர்ச்சி பொருந்திய கடலும் விளங்குகின்ற பவளங்களோடு நிறைந்த முத்தினைத் திரைகளாகிய கரங்களால் மலைக்குக் கொடுத்து, இரண்டு பேரரசர்கள் தம்முட்டலைப் பெய்தகாலத்து ஒருவர்க்கொருவர் செய்கின்ற வரிசையினைக் காட்டா நிற்கும் அழகும் ஆயிடைப் பொருந்தும்.

(வி - ம்.) வித்துருமம் - பவளம். ஓங்கல் - மலை. திரு - அழகு.

(159)

(இ - ள்.) செறிந்த நீண்ட இலைகளோடுகூடிய தென்னைமரம், குரும்பையாகிய மெல்லியதனங்கள் காணப்படுவதற்குமுன் பாளையாகிய நிறம்பொருந்திய ஆடையால் மேலே போர்த்து அரும்பி வெளிவருங்கால் அத்துகிலை நீக்குவது அழகன்றென முல்லைநிலத்துள்ள யாவராலும் விரும்பப்படுகின்ற முல்லைக்கொடிகள் சிரியாநிற்ப, அத்தென்னை மரம் பெரிய பழங்களால் அம்முல்லையினை அழிக்கின்ற மாறுபாடு ஒரு பக்கத்துள்ளது.

(வி - ம்.) குரு - நிறம். "குருவும் கெழுவும் நிறமு மாகும்" என்னும் தொல்காப்பியச் சூத்திரத்தானறிக. முன்வருகால் - வெளியே தோன்றும் காலத்து. அது - பாளையாகிய ஆடை. நீவுவது - நீக்குவது. அழகு என்பது குறிப்பு மொழியாய் அழகன்றென்னும் பொருள் தந்துநின்றது. விறந்த - செறிந்த. நெட்டிலை - நீண்ட ஓலை. இதனை "பழங்கொள் தெங்கிலையெனப் பரந்து பாய்புனல்" என்னும் சிந்தாமணியா னறிக.

(160)