பதிகப் பாட்டுக் குறிப்பு :- (1) கண்ணும் ஒளியும் காட்சியும் - இறைவன் காண்பவனாகியும் காட்டுபவனாகியும் காட்சிப்பொருளாயும் நிற்கும் நிலை. பண் - திறல் - இசையும் அதன் பயனும். திறல் - திறம் என்று கொண்டு ஐந்து சுரமுள்ள இசைவகையினைக் குறிப்பதென்பாருமுண்டு. பழம் - சுவை. குணியும் குணமும்போல அத்துவிதமாகக் கலந்துநிற்கும் முறைக்கும் எடுத்துக்காட்டு. மண் - தீ - நீர் - மாருதம் - விண் - ஐம்பெரும்பூதங்கள். விண்ணிழி - அரியால் தேவ ருலகத்தினின்றும் கொணர்ந்து அமைத்துப் பூசித்த கோயில் என்பது வரலாறு. திருமால் சக்கரம் பெறவேண்டித் தவஞ்செய்து கண்ணையிடந்து அருச்சித்துப் பெற்ற இத்தல வரலாற்றை இப்பதிகத்து 6 - 7 - பாட்டுக்களில் உரைப்பதனையும் காண்க. - (2) ஆலை....நாமத்தான் - ஐந்தெழுத்து - சிவனது நாமம். அன்புடையார்க்கு அது கரும்புச்சாறு போல இனிக்கும். சீலம் - சிவனது நாமம். அன்புடையார்க்கு அது கரும்புச்சாறு போல இனிக்கும். சீலம் - சிவநாமத்தை அவ்வாறு இனிக்கக் காணும் சீலம்; தவ ஒழுக்கம். - (3) தண்மை - வெம்மை - இருவேறு தன்மையும் ஆதல் எல்லாம் தாமே என்பது குறிக்கும். எண்ணில் சமண்தீர்த்து என்னை யாட்கொண்டான் - நாயனாரது சரித அகச்சான்று. - (4) மாது இசைந்த மாதவம் சோதித்தான் - கந்தபுராணம் தவங்காண்படலம் பார்க்க. - (5) நித்தல் மணவாளனென நிற்கின்றான் - இத்தலத்துச் சிறப்பாகிய மணவாள மூர்த்தி (கல்யாண சுந்தரர். நின்ற திருக்கோலம்). "நித்த மணாளர் நிரம்ப வழகியர்" (திருவாசகம்). கண்துஞ்சும் - "அலைகடனடு வறிதுயிலமரரி" (பிள் - தேவா). (6) கண்துஞ்சும்...அருளுவான் - தல சரிதம். (7) கற்பொலிதோட் சலந்தரனைப் பிளைந்த ஆழி - இத்தல வரலாறு. "செருமேவு சலந்தரனைப் பிளந்துசுட ராழி" (நம்பி - தேவா). - (8) இருப்பு மனம் - இரும்புபோலத் திணிந்த மனம். வினையர் - வினயாளர் புத்தன் - சாக்கிய நாயனார். சல்லி - கல். புதுமலர்களாக்கினான் - "கல்லினா லெறிந்து கஞ்சிதா முணுஞ் சாக்கியனார்" (குறுக்கை - நேரிசை 6) "அல்லாதார் கல்லென்ப ரரனர்க்கஃ தலராமால்" (சாக் - புரா - 14). - (9) சந்திரனை...அருள் செய்தான்காண் - தக்க யாகத்தில் வீரபத்திரரால் நிகழ்வித்த வீரங்கள். - ஈங்கை - இண்டங்கொடி. ஒங்காரன் - ஒங்காரம் - பிரணவம். பிரணவப் பொருள்.

1

4

திருச்சிற்றம்பலம்