எனவரும் திருக்குறட் கருத்தினையும் ஒப்பு நோக்குக. மழவிடையாய் என்றது இளைய மகனை உடையோய் என்றவாறு. வண்கதிர்-வளவிய கதிர். எனவே ஞாயிற்றின் கதிர் என்றாயிற்று. நீறு-துகள். கதிர் வெதுப்புதலால் துகள் பரவுகின்ற கொடுநெறி என்க. சீறூர்-குறிஞ்சிநில மாக்கள் ஊர். மரையதன்-மரை என்னும் விலங்கின் தோல். சிறுதுயில் என்றான் தமக்குத் தக்க பள்ளியும் இடமும் இன்மையால் பெரிதும் துயிலாது சிறிதே துயின்ற துயில் என்றதற்கு. இனி, துயிலும் பொழுதில் துயிலாப்பொழுது பெரிதால்கலின் சிறுதுயில் என்றான் எனினுமாம். அச்சிறு ர்துயிலுக்கு அண்டரண்டம் முழுதும் பெறினும் ஈடாகாது காண் என அவன் நலம் பாராட்டி மகிழ்வித்தபடியாம். இந்நிகழ்ச்சி உடன்போக்கு நிகழ்ந்துழி நிகழ்ந்ததாகக் கொள்க. ஞெமுங்க என்பதூஉம் மரவதளென்பதூஉம் பாடம். மெய்ப்பாடு-உவகை. பயன்-தலைவியை மகிழ்வித்தல்.