முன்னது திங்கல். ஏனையது அறிவு. அறிவு ஈண்டு அறிந்து செய்யப்படும் செயலைக் குறித்து நின்றது. நின் நாயகம்-நின் தலைமைத் தன்மையுடைய செயல் என்க. அன்புடையோர் நண்பினைப் பிரித்தல் தீவினை ஆதலின் பெருந்தகையாகிய நினக்கு இத்தீச்செயல் செய்தல் தகுமோ என்று பழித்தவாறு என்க. இனி அச்சமே கீழ்மக்களது ஆசாரம் என்பது பற்றித் திங்களை அச்சுறுத்துவாள் திங்களே ஈண்டும் ஒரு நாகம் உளது என்பது பட நாகந்தொழ அம்பலம் நண்ணி நடம் நவில்வோன் என்றாள். நாகம்வர-யானை போன்ற எம்பெருமான் வாரா நிற்ப என்க. நள்ளிருள்-செறிந்த இருள்; இடையாமம். நற-தேங் சொல்லானும் அச்சுறுத்துவாள் சிலேடை வகையால் இப்பொழில் நாகம் மலி பொழில் என்றாள். நாகத்தால் விழங்கப்படும் நீ நாகந்தொழும் அம்பலத்து நடம்பயில்வோனது மலைகட் புகுந்து நாகம்மலி பொழிலில் ஆட்சிபுரிதல் நினக்கு நன்றி பயவாதென்பது கருத்து. தனிநாயகம் என்பதூஉம் பாடம். மெய்ப்பாடு-வெகுளி. பயன்-இடையூறுணர்த்துதல்.