எழுமையும்-எழுபிறப்பின் கண்ணும். ‘உயிரினும் சிறந்தன்று நாணே, நாணினும் செயிர்தீர் காட்சிக் கற்புச் சிறந்தன்று’ என்பவாகலின் எலாவற்றினும் சிறந்த கற்பினைப் பேணும்பொருட்டு நாணத்தை நெகிழவிடும் தலைவி தன் உயிரினும் சிரந்த அதன் அழிவிற்காற்றாது இரங்கும் இப்பெருந்தகைமை பெரிதும் இன்பம் தருவதொன்றாதல் உணர்க. மெய்ப்பாடு-பெருமிதம். பயன்-உடன்போகத்துணிதல்.

(உரை)
கைகோள்: களவு. தலைவிகூற்று

துறை: நாணிழந்து வருந்தல்.

     (இ-ம்.) இதற்கு “உயிரினும் சிறந்தன்று......................தோன்றுமன் பொருளே” (தொல். கள. 22) எனவரும் நூற்பாவின்கண் ‘தாவில் நன்மொழி கிழவி கிளப்பினும்’ எனவரும் விதிகொள்க.

1-4: மைகுழைத்..............................கூடல்

     (இ-ள்) மைகுழைத்து அன்ன தொள்ளியம் செறுவில்-மையினைக் குழைத்தாற்போன்ற கரிய சேற்றினையுடைய அழகிய கழனியின்கண்ணே; பரைதபு பெருகிழ நாரை-பறக்கும் ஆற்