எனவரும் அப்பரடிகள் அருள் வாக்கானும் உணர்க. இனி முலைக்கிறுமாத்தல்-நிமிர்ந்து வீறுற்றுத் திகழ்தல். பயோதரம்-முலை. செறலால் தலைவியைப் பித்தி என்றாள். தன் மகள் உள்ளங்கவர்ந்த கள்வன் பெருந்தகையோனாதல் ஒருதலை என்னும் துணிவால் பெருந்தகை என்றாள். வெண்பத்திய கோலத்தினீர் எனவும் பாடம். இதற்கு வெண்ணீற்றால் பத்திபட விட்ட முண்டத்தையுடய கோலம் என்றுரைக்க. மெய்ப்பாடு-அழுகை. பயன்-தலைவியைக் காண்டல்.