(வி-ம்.) மூலல் என்பது ஒரு திருப்பதி. பாலைக்கு நிலமின்மையின் நானிலம் எனப்பட்டது. நயந்த சேவலைப் பொருந்திய களிப்பால் இவ்வன்னம் சென்றுரையாமையல்லது அவர் எம்மைக் காவாது விடார் என்னுங் கருத்தால் எங்காவல் தழீஇயவர் என்றாள். உற்றார் துயர்கண்டு இரங்கும் நற்பண்பின்மையின் அளிய அன்னம் என்றாள். பெண் மனத்தைப் பெண்மனமே அறியும் எனப்துபற்றிச் சேவலைக் குறைகூறாமல் பெடையன்னத்தையே குறைகூறினள். செல்வன்- அடியார்க்குச் செல்வமாக உள்ளவன். முந்நீர் - கடல். நாவல் - நாவலம்பொழில் என்னும் பெயர். நானிலம் துஞ்சுதலேயன்றித் தானுந்துஞ்சும் எனல் வேண்டிய எச்சவும்மை செய்யுள் விகாரத்தால் தொக்கது. துயிலாச் செயிர் - துயிலாமைக்குக் காரணமான வருத்தம். மெய்ப்பாடு - அழுகை. பயன் - அயாவுயிர்த்தல்.