லாலும் தெய்வமகளல்லள் மானிடமகளே என்று துணிந்த படியாம், மனன்: போலி, அணங்கு - தெய்வமகள், அம் - அழகு, மருங்குல்- இடை, பணை - மூங்கில். முன்னிலையில் நிற்றலால் இச்சிறுநுதல் என்று சுட்டினான். சிறுநுதல்: அன்மொழித்தொகை. மானிடமகளே என்பது எச்சம். துயரம் எய்தி ஆயும்மனனே என்றதனால் தெளிதல் கூறப்பட்டதாம். மெய்ப்பாடு - பெருமிதம். என்னை "கல்வி தறுகண் இசைமை கொடை யெனச் சொல்லப்பட்ட பெருமித நான்கே" என்புழித் தெளிதலும் கல்வியின்பாற் படுதலின் என்க. பயன் - தெளிதல்.