பொழிலிடத்தன. ஆகவே அவை இயல்பாகவே சிறப்புடையன என்பது கருத்து. நீ தந்தன என்பதனைப் பின்னரும் எடுத்தோதிப் பெருங்காதலுடைய நின்னால் வழங்கப்பட்ட சிறப்பினையுமுடையன என்பது கருத்தாகக் கொள்க. சுருங்கு மருங்குல்: அன்மொழித் தொகை இனி எம்பெருமாட்டி அத்தழையைத் தன் சுருங்கும் மருங்குலில் உடுத்தனள். அதனைப் பெயர்த்து அரைத்துப் பூசிற்றிலள் அவ்வளவே எனினுமாம். பெயர்த்து என்பது பெயர்ந்து என மெலிந்தது. அன்றிச் செய்யாதன இல்லை எனவே அவள் அத்தழையினை மோந்தனள்; முலைவைத்து உற முயங்கினள்; ஒளிர் நன்னீர் நீக்கி நிறை கண்ணிணை ததும்ப நெடு நீள நோக்கினள்; நுவலக் கருதினள்; ஆனால் ஒன்றும் நுவல்கிலாள் மேக்கு நிமிர் விம்மலுற்றனள் காண் என்றாளாயிற்று. பிசைந்தரைத்தென்றும் பாடம். மெய்ப்பாடு - உவகை. பயன் - தலைவனை ஆற்றுவித்தல்.