"அரத்தத் துவர்வாய்ப் பரத்தைத் தலைவி முனிவு தோன்ற நனிபு கன்றது"

     (இ-ள்) கனல் ஊர் கணை துணை ஊர் கெடச் செற்ற-தீப்பரவுதற்குக் காரணமான அம்பினாலே தம்முள் ஒத்த திரிபுரங்கள் அழியும்படி வெகுண்ட; சிற்றம்பலத்து எம் அனல் ஊர் சடையோன் அருள் பெற்றவரின் - தில்லைத் திருச்சிற்றம்பலத் தின்கண் இன்பக் கூத்தாடா நின்ற எம்முடைய தீயை யொத்த சடையையுடைய சிவபெருமானுடைய திருவருளைப் பெற்ற மெய்யடியார் போலச் செம்மாந்து; அமரப்புல்லும் மினல் ஊர் நகையவர் தம்பால் அருள் விலக்காவிடின் - அவனைப் பொருந்தத் தழுவா நின்ற ஒளி பரவிய நகையையுடைய வேறு பரத்தை மகளிரிடத்து அவன் அருள் செல்லாதபடி விலக்க வல்லேன் அல்லேனாயின்; யான் புனல் ஊரனைப் பிரியும் புனல் ஊர்கண் அப் பூங்கொடி - யான் நீர்வளமிக்க ஊரினையுடைய நம்பெருமானைப் பிரிந்திருக்கும் நீர் துளிக்கும் கண்களையுடைய அவன் மனைக் கிழத்தியாகிய அப்பூங் கொடியை யொத்தவளே ஆவேனல்லனோ என்றவாறு.

     (வி-ம்.) கணைத்துணை எனற்பாலது செய்யுளின்பநோக்கி மிகாது நின்றது. கணை என்பதனை எழுவாயாக்கி உரைப்பாரு முளர். இதன் கண் பரத்தை தோழிமாரை நோக்கித் தோழியீர்! யான் என் நலத்தா