கொள்க. மன்னுதல்-நிலைபெறுதல். அடல்-போர். அஃது ஈண்டு அதற்குக் காரணமாகிய பகைப் பண்பு குறித்து நின்றது. இறைவனுக்குப் பகையாயினார் தாமே ஒளிகுன்றி வீழ்ந்தொழிதல் போலக் கதிரவனும் ஒளிக்குன்றிக் கடலில் வீழ்ந்தொழிந்தான் என்றவாறு.எறிப்பு-ஒளி. ஆங்கு என்றது மேற்றிசையைச் சுட்டிக் கூறியபடியாம். அருக்கன்-கதிரவன். சுருக்கி என்றதற்கேற்பக் கதிரவனைச் சுருக்கி என்க. இன்று என்றது இற்றை இரவில் என்பதுபட நின்றது. ஆகையால் ஈண்டுத் தங்குவாயாக என்பது குறிப்பெச்சம். அருக்கன் பெருக்கி என்றும், பெருகி என்றும் பாடம். இவற்றிற்கும் கதிர்களைச் சுருக்கிச் சுருங்கி என்றே பொருள் கொள்க. என்னை! விளக்கைப் பெருக்கினள் விளக்குப் பருகிற்று என மங்கல வழக்காகக் கூறுதல் உண்மையின் என்க. மெய்ப்பாடு-அழுகை. பயன்-நெறிவிலக்குதல்.