585 வரும்விதி வந்ததென்றால் படும்விதி படவேணும்
மாட்டோம் என்றாலும்வி டாதே-ராமராமா
6. அண்னானும் என்சொல்லைச் சத்துருக்கனும் கேளாமல்
அரசாள மனம்மங்கி றானே
அண்ணன் அழைத்துப் போன லட்சுமணன்போல் என்னையும்
அழைத்துப் போ கூடஎன்கி றானே-ராமராமா
7. பூமிநெருப்பில் விழும் விழவேண்டாம் என்றொரு
புத்திமதி சொல்லநில் லாயோ
சாமிபின் போனநெஞ்சே வருவானோ வாரானோ
சற்றே நீவந்து சொல் லாயோ-ராமராமா
8. பொடித்தவனந்தனிலே எவருடன் சண்டையோ
புரோகிதரே சொல்லொ ணாதோ
நடுப்படையிற் போனாலும் வடுப்படாமல் திரும்பும்
நாயகன் வரத்தடை ஏதோ-ராமராமா
9. பருவங்கள் பதினாலும் தவம்செய்தென்ன கண்டேன்
படைத்தேனே இந்த அப வாதம்
பெருமாள் சென்றவழியில் புல்லாய் முளைத்தாலும்
பெறலாமே ஆண்டவன் பாதம்-ராமராமா
10. அரசனையும் காணேன் அரசுக்கரசாய் நின்ற
அண்ணனையும் காணேன்நான்எம் மாத்திரம்
பரதன் என்ற பேரை பதர்என்று சொல்லலாம்
பாவிநான் அதற்கல்லோ பாத்திரம்-ராமராமா ------ சத்துருக்கன் அரசாட்சிக்கு உடன்படாமை விருத்தம்-112 பரதனிந்த விதம்புலம்பிச் சாமிதெரிசனங்காணாப் பாவிநானே
சரதமினித் தீப்பாய் வேன் உலகாள்வாய் சத்துருக்கா தம்பி என்றான்
விரவியகா திலதுபோய் நெருப்பாகச் சுடஅவனும் வீழ்ந்துசோர்ந்தான்
நரகமன்றோ உனக்குப்பின் நிலமென்றான் எனகென்னநலம் என்றானே
|