586 தரு-89 புன்னாகவராளி ராகம் ஆதிதாளம் பல்லவி இதற்கோநான் ஆளானேன் இதற்கோ அண்ணாவே (இத) அநுபல்லவி சதிக்குள் சத்துருக்கனா வாயென்றழைத்திட்டாயே
சாமிபரதா என்னைக் கைநழுவ விட்டாயே (இத) சரணங்கள் 1. பூமிஆளச்சொல்லி என் னைத்தானே-விட்டுப்
போனால் என்னாகுமோ கோமானே
ராமன் முகமும் உன்முகமும் கண்டுநானே
இரண்டாட்டில் ஊட்டின குட்டிபோல் ஆனேனே (இதற்)
2. ஒருவன் கானகத்தில் ஏகவும்-அவன்
உடனொரு தம்பிதுணை போகவும்
ஒருதம்பி யானநீ நெருப்பிலே மூழ்கவும்
ஒருதம்பி எனதுயிர்வல்லுயி ராகவும் (இதற்)
3. எனக்கு மாத்திரம் உடல் கெட்டியோ-உன்பின்
இருந்துல காளாவிட்டால் நஷ்டியோ
உனக்குப்பின் வாராமல் எனக்கொரு வெட்டியோ
உன்னுயிரிலும் என்தன் உயிர்கருப் பட்டியோ (இதற்) ------ அக்கினியில் விழும் பரதரைக் கௌசலைஅம்மன் தடுத்துக் கூறுதல் விருத்தம்-113 வாடியிவ்வா றழுததம்பிக் கிரங்கான் நான்போய்
மாள்வனெனின் இவண்புவியை ஆள்வன் என்று
கூடிய மந்திரிமாரும் ஊர்உள் ளாரும்
குலைந் தலறப்பரதன்தீ வளர்க்கச் சொன்னான்
|