வேடமாகக் கொங்கு நாட்டிற் புகுந்து ஊர் ஊராய்த் திரிந்து வாழ்ந்தான்.
உறையூரில் சோழசிங்காதனமேறத் தக்காரைத் தேடி வரும்படி, அக்கால
வழக்குப்படி பட்டத்து யானையை விடுக்கத் தீர்மானித்தார்கள்.
கழுமலத்திலிருந்த யானையைக் கட்டவிழ்த்து விட்டார்கள். அது கருவூர்ச்
சென்று அங்கு நின்ற இளைஞனான கரிகாலனைத் தன் பிடரி மீது
தூக்கிவைத்துக் கொண்டுவந்து அரசியற்கு உரிமையாக்கியது. தாயத்தார்
இவனைச் சிறைக்குள்ளாக்கினர். அச் சிறைக்கூடத்திற் தீயிட்டார்கள்.
அந்நெருப்பையும் மதிலையும் பொருட்படுத்தாது கடந்து வெளிப்போந்தனன்.
தன் மாமன் இருப்பிடர்த் தலையாரின் அருந்துணைபெற்று பகைவென்று
அரசுரிமை பெற்றனன்.

     சிறைக் கூடத்து நெருப்புற்றபொழுது அந்நெருப்பாற் கருகிய
காலைப்பெற்ற வனாதலின் * கரிகாலன் எனப் பெயர் பெற்றான் என்பர்.

                  (மேற்)

  * இக்காரிகாலன் கிறிஸ்துவுக்குமுன் முதல் நூற்றாண்டிலிருந்தவன்
    அதாவது இன்றைக்கு 2000 ஆண்டிற்குமுன்னவன் என்று
    ஆராய்ச்சியாளர் கருதுகின்றனர்.