(தொ-ரை.) செய்யிலே வளம் தழைத்த தண்டலையார் வளநாட்டில்
- கழனியிலே நெல் முதலியவற்றின் வளம் மிகுந்த தண்டலையாரின் வளம்
பொருந்திய நாட்டினில்; மையிலே தோய்ந்த விழி வஞ்சியரைச் சேர்ந்தவர்க்கு
மறுமையில்லை - மை  தீட்டிய  கண்களையுடைய  பொதுமகளிரைச்
சார்ந்தவர்களுக்கு மறுமையில் நன்மையில்லை, மெய்யிலே பிணியும் உண்டாம்
- (இம்மையிலும்) உடலில் நோய்கள் உண்டாகும், கைப்பொருளும் கேடு ஆகி
விழலர் ஆவார் - கையில் உள்ள பொருளையும் இழந்து (பிறர்க்குப்) பயனற்ற
வரும் ஆவார்; தெளிந்தது அன்றோ - இது தெளிவானது தானே?, கையிலே
புண் இருக்கக் கண்ணாடி பார்ப்பது என்ன கருமம் - கையினிற் புண்
இருக்கையில் (அதை நேரே பாராமற்) கண்ணாடியிலே பார்ப்பது என்னசெயல்?

      (வி-ரை.) பொதுமகளிரை விழைவோரின் இல்லறம் கெடும்.
ஆகையாலே, அவர்கள் கைப்பொருளும் கேடாகி விழலர் ஆவது கைப்புண்
போல வெளிப்படையாகத் தெரிவதால், ‘கைப்புண் இருக்கக் கண்ணாடி
பார்ப்பது என்ன கருமம் தானே?' என்றார். ‘கைப்புண்ணுக்குக் கண்ணாடி
வேண்டுமா?' என்பது பழமொழி.

      (தொ-ரை.) காலம் அறி தண்டலையார் வளநாட்டில் - காலம்
அறிந்த தண்டலையாரின் வளநாட்டிலே, கொலை