மக்கட் பண்பிலார் உடலழகும், காணின் - ஆராய்ந்தால், பொன்பூவில்
வாசனையும் புன்முருக்கம் பூவும் எனப்புகலல் ஆம் - பொன்னாலான
மலரிலே நறுமணமும் மணமற்ற புல்லிய முருக்கமலரும் போல இருக்கும்
என்று இயம்பலாம்.

     (வி-ரை.) அற்பூரும் பண்புடையார் நற்குணம் பொற்பூவில்
வாசனையெனப் புகழ்பெறத் தக்கதாகும்; அரியதும் ஆகும். பண்பிலாரழகு
(மணமற்ற) புன்முருக்கம் பூவைப்போலப் பயனற்றதாகும், குமரகுருபர
அடிகளும் கல்வி கேள்வியிற் சிறந்து கற்றவற்றை யெடுத்துச் சொல்லுந் திறம்
பெற்றிருப்பது "பொன் மலர் நாற்றம் உடைத்து" என உவமை காட்டினார்.

     (தொ-ரை.) தண்டலையில் தாயகனார் அருள்கொண்டு சலியாமல்
தருமம் செய்ய - தண்டலையில் எழுந்தருளிய தாயகனாரான இறைவரின்
அருளை வாழ்த்தி அறம் புரிந்தால், கொழுமீதில் பொலிவாகி வந்த பொருள் -
உழவுத் தொழிலிலே அழகுறக் கிடைத்த செல்வத்தில், ஈந்தவை போக
மீந்தால் - (தென்புலத்தாருக்கும் தெய்வத்திற்கும் விருந்தினருக்கும்
சுற்றத்தாருக்கும் தனக்கும் அரசனுக்கும் என ஆறு பங்காக்கிக்) கொடுத்தவை
போக மிச்சமானால், மலிவாகிச் செல்வம் உண்டாம் - மிகுதியாகிச் செல்வம்
கிடைக்கும்; வயல்முழுதும் விளைந்திடும் நன்மாரி ஆகும் - நிலம் எங்கும்
விளையத்தக்க மாரியாக அந்த