அறம் இருக்கும், கலியாணப் பஞ்சம் இலை - அவர்கள் அகத்திலே பல
திருமணங்கள் நடைபெறும், களப்பஞ்சம் ஒருகாலும் இல்லை - விளைவு
கொண்டு நெல்லடிக்கும் களத்திற்கும் ஒருபோதும் வறுமை இராது.

     (தொ-ரை.) இரக்கத்தால் உலகு ஆளும் தண்டலையாரே சிவனே -
அருளாலே உயிர்களைக் காக்கும் தண்டலையில் எழுந்தருளிய
சிவபெருமானே!, எந்தநாளும் இரக்கத்தான் புறப்பட்டீர் - எப்போதும்
இரக்கவே சென்றீர், என்றனையும் இரக்கவைத்தீர் - என்னையும் இரந்து
உண்ண அமைத்துவிட்டீர்!, இதனால் என்ன - இவ்வாறு செய்ததனால் என்ன
பயன்?, இரக்கத்தான் அதிபாவம் இரப்பது தீது-பிச்சை யெடுப்பது பெரிய
பாவம்! ஆகையால் அது கெட்டது, என்றாலும் - என்று (அறிஞர்) கூறினாலும்,
இன்மையாலே இரக்கப் போனாலும் - வறுமையாலே பிச்சையெடுக்கச்
சென்றாலும், அவர் சிறக்கப்போவது கருமம் என்னல் ஆமே - அவ்வாறு
இரக்கப்போவோர் சிறப்புடன் செல்வது தகுதி என்று கூறுதல் வேண்டும்.

     (வி-ரை.) "இரக்கப் போனாலும் சிறக்கப் போ" என்பது பழமொழி.

--------