மட்டும் மழை பெயினும் - உலகெங்கும் படர்ந்து கவிந்து காலை வரையில்
மழை பெய்தாலும், அதின்  ஓட்டாங்குச்சில் முளை  வீசிடாது - அதனால்,
ஓட்டாங்குச்சில்  முளைக்காது, (ஆகையால்),  கொடியருக்கு  நல்லபுத்தி
சொன்னாலும் தெரியாது - தீயோருக்கு  நல்லறிவு  கூறினாலும் விளங்காது,
கொடையில்லாத மடையருக்கு மதுரகவி உரைத்தாலும் - ஈகைப்பண்பு அற்ற
பேதையருக்கு இனிய பாவைப் பகர்ந்தாலும், அவர் கொடுக்கமாட்டார் - அப்
பேதையர் ஒன்றும் ஈயமாட்டார்.

      (வி-ரை.) படி அளத்தல் : ஊழ்வினைக்கு  ஏற்றவாறு  பயனை
நுகர்வித்தல். கண்டீர் : முன்னிலை  அசைச்சொல். ‘ஓட்டாங் குச்சில்
முளைக்காது' என்பது மரபு மொழி. ‘ஓட்டாங் கிளிஞ்சில்' என்றும் பாடம்.
(ஓட்டாங் கிளிஞ்சில் : ஓட்டைப்போன்ற கிளிஞ்சில்) ‘கொடிறும் பேதையும்
கொண்டது விடா' என்பது பழமொழி.

      (தொ-ரை.)  செங்காவி  மலர்த்தடம்சூழ் தண்டலை  நீள் நெறியே -
சிவந்த குவளை மலர்களையுடைய பொய்கைகள் சூழ்ந்த தண்டலைநீள்
நெறியில் எழுந்தருளியவரே!, நின் செயல் உண்டாகில் - அடிகளின் நல்ல
அருள்  கிடைத்தால், எங்கு  ஆகில் என்ன அவர் எண்ணியது எல்லாம்
முடியும் - எவ்விடமாயினும்  என்ன? அவர்கள்  நினைத்தது  முற்றும்
முற்றுப்பெறும், இல்லை ஆகில் - அடிகளின்