(தொ-ரை.) மட்டு உலவும் சடையாரே தண்டலையாரே -
மணங்கமழும் சடையை யுடையவரே! தண்டலை யிறைவரே!, வனங்கள்
தோறும் எட்டிமரம் பழுத்தாலும்  ஈயாதார்  வாழ்ந்தாலும்  என்  உண்டாம்
- காடுகள்  எங்கும் எட்டிமரம்  பழுப்பதனாலும் (நாடுகள் எங்கும்)  
கொடைப்  பண்பிலர் வாழ்வதனாலும் என்ன  பயன் கிடைக்கும்?, கட்டு
 மாங்கனி  வாழைக்கனி பலவின் கனிகள் உபகாரம் ஆகும் -
(பழுப்பதற்காகக்) கட்டிவைக்கும் மா, வாழை,  பலா  ஆகிய  இவற்றின்
 பழங்கள் (மற்றவர்க்குப்)  பயன்படும்; (அவ்வாறே),  அவ்வணம்  சிட்டரும்
 தேடும்  பொருளை  யெல்லாம் இரப்பவர்க்கே செலுத்தி வாழ்வார் -
நல்லோரும் தாம் சேர்க்கும் பொருள் முழுதும் வறியருக்கே அளித்துச்
சிறப்புடன் வாழ்வார்கள்.

      (வி-ரை.) சிட்டர் (வடமொழி) நல்லோா். ‘எட்டி பழுத்தால் என்?
ஈயாதார் வாழ்ந்தால் என்?' என்பன பழமொழிகள்.

      (தொ-ரை.) ஓத அரிய தண்டலையார் அடிபணிந்து புகழுக்கு எட்டாத
தண்டலை யிறைவரின் திருவடிகளை வணங்கி, உலகம் எல்லாம் நல்லவன்
என்று போதம் மிகும் பேருடனே - உலகமெங்கும் ‘இவன் நல்லவன்' என்று
கூறும் அறிவுமிக்க பெயருடன், புகழ் படைத்து வாழ்பவனே புருடன் - புகழும்
பெற்றும் வாழ்வோனே ஆண்