மகன்,  அல்லால் - (அவ்வாறு)  இன்றி,  ஈதலுடன்  இரக்கம்  இன்றிப்
பொன்காத்த பூதம் என இருந்தால் என்ன - கொடையும் அருளும் இல்லாமற்
பொன்னைக்  காக்கும் பூதம்போல இருப்பதால் யாது பயன்?, காதவழி
பேரில்லான் கழுதையோடு ஒக்கும் எனக் காணலாமே - காதவழியேனும்
புகழில்லாதவன் கழுதைக்குச் சமமாவான் என்று (உலகுரைப்பதை) அறியலாம்.

      (வி-ரை.) ஓதுதல் - சொல்லுதல். இறைவரைப்பற்றி ஓதுதலாவது
புகழ்தல் : எனவே, ‘ஓத அரிய' என்பது ‘புகழ்தற்கரிய' எனப் பொருள் தந்தது.
‘ஓத' என்பதன் இறுதி ‘அகரம்' செய்யுள் விகாரத்தால் தொக்கது.

      (தொ-ரை.) கரிகாலன் பூசைபுரி தண்டலைநீள் நெறியாரே - கரிகாற்
சோழன் வழிபாடு செய்த தண்டலைநீள் நெறியில் எழுந்தருளிய இறைவரே!,
பரியாமல் இடும் சோறும் - அன்பு இன்றிப் படைக்கும் உணவும், ஊமை
கண்ட  கனவும் - ஊமையன்  கண்ட  கனவும், பரிசில் ஒன்றும்  ஈயான் -
புலவருக்குப் பரிசு ஒன்றும் கொடாமல், அரிது ஆன செந்தமிழின் அருள்
சிறிதும் இல்லாதான் அறிவும் - அருமையான செந்தமிழின் அருளைச் சற்றும்
பெறாதவனுடைய அறிவும், கதித்த ஓசை தெரியாத செவிடன் காதினில் -
பேரொலியை அறியாத செவிட