னுடைய காதில், சங்கு குறித்தது எனச் செப்பலாம் - சங்கு முழங்கியது
போலாகும் என்று கூறலாம்.

      (வி-ரை.) சோறும், கனவும், அறிவும், செவிடன் காதினிற் சங்கு
குறித்தது எனக் கூட்டுக. புலவருக்குப் பரிசு கொடுத்துச் செந்தமிழின் நயத்தை
அவர்கள் வாயிலாக உணராதவனைச் ‘செந்தமிழின் அருள் சிறிதும்
இல்லாதான்' என்றார். ‘ஊமையன் கண்ட கனவு' ‘செவிடன் காதினிற்
சங்கு' என்பவை மரபு மொழிகள்.

      (தொ-ரை.) முன் அரிய மறை வழங்கும் தண்டலையார் ஆகமத்தின்
மொழி கேளாமல் - முற்காலத்தில்  அருமையான  மறையை (உலகுக்கு)
அருளிய தண்டலையாரின் ஆகம நூல்களிற் கூறியதைக் கேட்காமல், உயிரை
வதைத்தவனும் - உயிருக்கு இடுக்கண்  விளைவித்தவனும்,  கொன்றவனும் -
அழித்தவனும்,  குறைத்தவனும் - (உயிராற்றலைக்)  குறைவு  படுத்தியவனும்,
பேர் உளோனும் - (முன் நின்று கொலையாளி எனப்) பெயர் பெற்றவனும்,
அந்நெறியே சமைத்தவனும் - கொலைவழியிலே நின்று சமையல் செய்தவனும்,
உண்டவனும் - சாப்பிட்டவனும் (ஆகியோர்), நரகு  உறுவர் - நரகத்தை
அடைவர்,  ஆதலால் -  எந்நாளும்  தன்  உயிர்போல்  மன்  உயிருக்கு
இரங்குவதும்  தக்கது  ஆம் - எப்போதும்  தன்  உயிரைப்போலப்  பிற
வுயிரையும் நினைத்து இரக்கம் காட்டுவதும் நன்மையாகும்.