(தொ-ரை.) மரந்தனை வைத்தவர் வாடாமல் நாளும் தண்ணீரும்
வார்ப்பர் - மரத்தை வைத்தவர்கள் அது வாடிடாமல் எப்போதும் தண்ணீரும்
வார்ப்பார்கள், (ஆகையால்), இத்தனை நாளும் இரந்தனை, பரந்தனை நான்
என்று அலைந்தாய் - இத்துணை நாட்களாக (உணவு) இரந்து, உன்னையே
உன் தலைவனாக நினைத்துத் திரிந்தாய்!, இனிமேலேனும் - இனியாவது,
கரந்தைமதி சடை அணியும் தண்டலைநீள் நெறியாரே காப்பார் - திருநீற்றுப்
பச்சையையும்  பிறைத்திங்களையும்  சடையில்  மிலைந்த  தண்டலை
நீள்நெறியிறைவரே காத்தருள்வார், என்னும் உரந்தனை வைத்து இருந்தபடி
இருந்தனையே - என்கிற உறுதியை மேற்கொண்டு (பேராசையின்றி)
அமைதியாக இருந்தனையானால், உள்ள எலாம் உண்டாம் உண்மை -
(பழவினை வாயிலாக) இருப்பன யாவும் கிடைக்கும்! இது வாய்மையாகும்!

      (வி-ரை.) வார்ப்பர் தாமே : தாம், ஏ : ஈற்றசைகள். ‘மரம்
வைத்தவன் தண்ணீர் வார்ப்பான்' என்பது பழமொழி.