அழகாய் இருக்கும் அன்றோ - உலகினில் எவருக்கும் கொடைப்பண்புடன்
அறிவுங்கூடினால் (மற்ற) இனிய பண்புகளுக்கு அழகுதரும் அன்றோ?, நீதி
பெறு தண்டலையார் திருநீறு மெய்க்கு அழகாய் நிறைந்து தோன்றும் - அறம்
நிறைந்த தண்டலை யிறைவரின் திருநீறு தன்னை அணிந்த உடம்புக்கு
முற்றிலும் அழகாகக் காணப்படும்.

      (வி-ரை.) காணுந்தானே : தான், ஏ: ஈற்றசைகள். நீதி பெறுதலைத்
தண்டலைக்கு ஆக்குக. ‘கவினைத்தருவது நீறு' ‘பூச இனியது நீறு' ‘பேணி
அணிபவர்க்கெல்லாம் பெருமை கொடுப்பது நீறு' என்று திருஞான சம்பந்தர்
திருவாய் மலர்ந்தருளியன காண்க. ‘காதுக்குக் கடுக்கன், முகத்துக்கு
அழகு' என்பது பழமொழி.

      (தொ-ரை.) ஆர் ஆணியும் தண்டலைநீள் நெறியாரே - ஆத்திமாலை
அணிந்த தண்டலை நீள் நெறி இறைவரே!, கல்வியினில் பழக்கம் இல்லார்
பாரதியார் அண்ணாவி புலவர் என்பார் - கலையறிவு பயிலாதவர் (சிலர்)
பாரதியாரெனவும் அண்ணாவியென்றும் புலவர் என்றும் (தம்மைப் புகழ்ந்து)
சொல்லிக் கொள்வர்; சீர் அறியார்! தளை அறியார் பல்லக்கு ஏறுவர் புலமை
செலுத்திக்  கொள்வார் - (செய்யுளின்  உறுப்பான) சீரை அறியாதவரும்
தளையை  உணராதவரும்  பல்லக்கில்  ஏறிக்கொண்டு  புலவர் போல
நடந்துகொள்வார்! (இதனை என்னென்பது!) இலக்கண நூல் அறியாரேனும் -