(தொ-ரை.) மாரி  பதின்கலம்  நீரில்  கோடைதனில்  ஒருகுடம்
நீர்வண்மை -  மழைக்காலத்திற்  பத்துக்கலம்  நீர்  கொடுப்பதினும்
வெயிற்காலத்தில்  ஒரு  குடம்  நீர்  அளிப்பதே  சிறந்த  கொடையாகும்.
(ஆகையால்), சீர் இலகும் தண்டலையார் திருவருளால் அகம்ஏறிச் செழித்த
நாளில் - அழகுற  விளங்கும்  தண்டலையாரின் திருவருளினால்  நாடு
விளைவுமிகுந்து வளம்பெற்ற காலத்தில், பாரியென ஆயிரம் பேர்க்கு
அன்னதானம் கொடுக்கும் பலனைப் பார்க்க - பாரியைப்போல ஆயிரக்
கணக்கானவர்களுக்கு உணவுக் கொடையளிக்கும் பலனை நோக்க, நேரிடும்
பஞ்சந்தனிலே எவ்வளவு ஆகிலும் கொடுத்தால் நீதி ஆகும்- வற்கடம்
நேர்ந்த காலத்திலே எவ்வளவு குறைவாகக் கொடுத்தாலும் அதுவே கொடைப்பயன் தரும்.

      (வி-ரை.) வண்மைதானே : தான், ஏ : அசைகள். அகம் - நாடு.
அகம் ஏறி - நாடு  வளம்பெற்று. பாரி : கொடையிலே  சிறந்தவன்;
கடையெழு வள்ளல்களில் ஒருவன். பதின்கலம் ஒரு குடம் என்பன பெருமை
 சிறுமை குறிக்கும் அளவுகள்.