இன்பம்  வரினும்  துன்பம்  வரினும்,  வம்புகோடி  செய்திடினும் -
கோடிக்கணக்காக வஞ்சகம் (பிறர்) செய்தாலும், தண்டலை  நீள்  நெறியார்
தம் செயல் (அவை) தண்டலைநீள் நெறியாரின் அருள், என்றே தெளிவது
அல்லால் - எனவே தெளிவடைவது அன்றி, மெய்தவிர - உண்மை நீங்க,
அவர் செய்தார் இவர் செய்தார் என நாடி வெறுக்கலாமோ - அவர் செய்தார்
இவர் செய்தார் என்று ஆராய்ந்து அவர்களை வெறுத்தல் நலமோ?, எய்தவர்
தம் அருகு இருக்க அம்பை நொந்த கருமம் என்ன இயம்புவீர் - (அம்பை)
விடுத்தவர் தம் பக்கத்தில் இருக்கும்போது அம்பை நோவது என்ன காரியம்?
சொல்லுவீர்.

      (வி-ரை.) அவரவர் செய்வினையே அவரவர் நுகரும் பயனாக
முடிவதால், அப் பயனை யேற்கும் நெறியாளரான பிறரை நோவதால், ஏதும்
பயனில்லை; அதனை ஊட்டும் தண்டலையாரின் செயலென்றே கொள்ளல்
வேண்டும், ‘எய்தவன் இருக்க அம்பை நோவது ஏன்?' என்பது பழமொழி.

      (தொ-ரை.) வாங்கு ஆலம் உண்ட செழுந்தண்டலையார் அடிபோற்றி
வணங்கி நாடி - எடுத்த நஞ்சினைப் பருகிய, வளமிக்க தண்டலையாரின்
திருவடியைக் கும்பிட்டு ஆராய்ந்து, போங்காலம் வரும் முன்னே புண்ணியம்
செய்து அரியகதி பொருந்துறாமல் - இறக்குங்காலம் வருவதற்கு