உதவும்
உதவியெல்லாம் - மற்றவர்களுக்கு உதவும் உதவிகள் யாவும், சுமந்தே
நொந்து பெற்ற தாய் பசித்திருக்கப் பிராமண போசனம் நடத்தும்
பெருமைதானே - சுமந்து வருந்தி ஈன்ற அன்னை பசியுடன் (வாடி) இருக்கும்
போது அந்தணர்களுக்கு உணவு படைக்கும் பெருமை யேயாகும்.
(வி-ரை.)
"பெற்றதாய் பசியுடன் இருக்கப் பிராமண போசனமோ"
‘தன்னைப் பெற்ற தாயார் கிண்ணிப் பிச்சையெடுக்கிறார், பிள்ளை
கோதானம் செய்கிறான்' என்பவை பழமொழிகள்.
சொன்னேன் : முன்னிலை
அசைச்சொல்.
|
53.
‘நல்லமாட்டுக்கு ஓர் அடி!'
துன்மார்க்கர்க் காயிரந்தான் சொன்னாலும்
மறந்துவிட்டுத் துடுக்கே செய்வார்!
சன்மார்க்கர்க் கொருவார்த்தை சொலும்அளவே
மெய்யதனில் தழும்பாக் கொள்வார்
பன்மார்க்க மறைபுகழும் தண்டலையா
ரே! சொன்னேன்! பதமே யான
நன்மாட்டுக் கோரடியாம்! நற்பெண்டிர்க்
கொருவார்த்தை நடத்தை ஆமே.
|
(தொ-ரை.)
பல்மார்க்க மறைபுகழும் தண்டலையாரே - பல
நெறியினும் உள்ள மறைகள் போற்றும் தண்டலையாரே!, பதம் ஆன நல்
மாட்டுக்கு ஓர் அடிஆம் - பக்குவமான நல்ல மாட்டுக்கு ஓர் அடி
(திருந்துவதற்குப்) போதும், நல் பெண்டிர்க்கு ஒரு வார்த்தை நடத்தை ஆம்
- நல்ல மாதர்க்கு ஒரு மொழியாலேயே நன்னடை வரும், (அவ்வாறே)
சன்மார்க்கர்க்கு ஒரு வார்த்தை சொலும் அளவே மெய்யதனில் தழும்பாக்
கொள்ளார் - நன்னெறி யாளர்க்கு ஒரு சொல் சொன்ன அளவிலே உடம்பிலே
வடுவாக நினைப்பார்கள், துன்மார்க்கர்க்கு ஆயிரம் தான் சொன்னாலும்
மறந்துவிட்டுத் துடுக்கே செய்வார் - தீ
|