(தொ-ரை.) விசையம்மிகும் தண்டலையார் வளநாட்டில் ஒருத்தர்
சொல்லை மெய்யாய்  எண்ணி - வெற்றியில்  மேம்பட்ட  தண்டலையாரின்
வளமிகுந்த  நாட்டிலே  ஒருவர்  கூறுவதையே  உண்மையென்று  நம்பி,
வசைபெருகப் பிறர் பொருளை அநியாயம் செய்து வலிய வாங்கி - பழி
வளரும்படி மற்றோர்  செல்வத்தை  ஒழுங்கல்லாதன  செய்து  வற்புறுத்திக்
கவர்ந்து, திசைபெருகும் கீர்த்தியென்றும் தன்மம் என்றும் தானம் என்றும்
செய்வது எல்லாம் - எட்டுத்திக்கினும் வளரும் புகழ்ச் செயலெனவும், அறம்
எனவும், தானம் எனவும் புரிந்து வாழும் இச் செயல்கள் யாவும், பசுவினையே
வதைசெய்து செருப்பினைத் தானம் கொடுக்கும் பண்புதானே - ஆவினைக்
கொன்று (அதன் தோலால் தைக்கப்பட்ட) செருப்பைத் தானங் கொடுத்த
தன்மையே.

      (வி-ரை.) விசயம் என்பது எதுகை நோக்கி விசையம் என ஆயிற்று.
விசயம் : விஜயம் என்ற வடசொல்லின் தற்பவம். ‘பசுவைக் கொன்று
செருப்பைத் தானங்கொடுத்தல்' என்பது பழமொழி.

      (தொ-ரை.) மறிதரும் மான் மழு ஏந்தும் தண்டலையாரே - மறித்து
நோக்கும் மானையும் மழுவையும் கொண்டவரே? தண்டலையாரே!, வாரிவாரிக்
குறுணி மைதான் இட்