(தொ-ரை.) வாசம் மிகும் தண்டலைநீள் நெறியாரே - மணம் சிறந்த
தண்டலைநீள் நெறியிறைவரே!, சபையில் வந்தால் நிருபர் முன்னே நேசமுடன்
வேளை அறிந்து இங்கிதம் ஆ - அரசவையிலே சென்றால் அரசருக்கு எதிரில்
அன்பையும் காலத்தையும் அறிந்து குறிப்பாக, பேசுவதே உசிதம் - (தன்
வேண்டுகோளை) விண்ணப்பித்துக் கொள்வதே நலந்தரும்; அல்லால் நடுவில்
ஒருவன் குழறிப் பேசல் எல்லாம் - அவ்வாறின்றி இடையிலே ஒருவன்
தடுமாறிக் கூறுவன யாவும், அபிடேகம் மலிநீர் ஆட்டிப் பூசைபண்ணும்
வேளையிலே - திருமஞ்சனமாக நிறைந்த நீரை ஆட்டி வழிபாடு செய்யும்
நேரத்தில், கரடியை விட்டு ஓட்டுவதுபோலும் - கரடியை (அவிழ்த்து) விட்டு
ஒட்டுவது போலாகும்.

      (வி-ரை.) இங்கிதம் - குறிப்பு ‘இங்கிதம் ஆக' என்பது ‘இங்கிதம் ஆ'
எனக் கடைக் குறையாயிற்று. ‘சிவபூசை வேளையிற் கரடி வந்ததுபோல'
என்பது பழமொழி.