(தொ-ரை.) துன்பு அறியாக் கதி அருளும் தண்டலை நீள் நெறியாரே
- துன்பம் காணாத நற்கதியைக் கொடுக்கும் தண்டலைநீள் நெறியாரே, முன்
பெரியோர் தொண்டு பட்டு நடந்த வழிதனைப் பின் பழித்து முரணே பேசி -
முற்காலத்திற் பெரியோர்கள் பழைமையாக ஒழுகிய நெறியைப் பிற்காலத்தே
இகழ்ந்து மாறு கூறி, பலரை உடன் கூட்டி நூதனம் ஆ(க) நடத்துவது
பிழைபாடு எய்தில் - பலரை ஒன்றாகச் சேர்த்துக் கொண்டு புதுமையாக
ஒன்றைச் செய்வது கைகூடாவிட்டால், தூயள் ஆகி அன்பு உள தாயைப்
பழித்து - நன்னெறியுடையவளும் அன்புடையவளும் ஆன அன்னையை
இகழ்ந்து கூறி, மகள் ஏதோ செயத் தொடங்கும் அறிவு தானே - (அவள்)
மகள் தவறான நெறியிலே செல்லத் துவக்கும் அறிவு போலவே ஆகும்.

      (வி-ரை.) காலநிலைக் கேற்பப், ‘பழையன கழிதலும் புதியன புகுதலும்
வழுவல' ஆயினும் முன்பு தூயதாக இருந்த பெரியோர் நெறி இப்போதும்
தூயதாக இருந்தாற் பழைமையை விரும்பாதவர்கள் அதை யிகழ்ந்து கூறுவதும்
புதுநெறி புதுப்பிப்பதும் தகாதென்பது கருத்து. தொண்டு - பழைமை. ‘தாயைப்
பழித்து மகள் அவிசாரி யானாளாம்' என்பது பழமொழி.

     (தொ-ரை.) தண் அமரும் மலர்ச்சோலைத் தண்டலைநீள் நெறியே -
குளிர்ச்சி பொருந்திய மலர்க்காவினையுடைய