மைந்தர்க்குத் தாயார் துணை - உலகிலே குழந்தைகட்கு அன்னையே ஆதரவு,
தூதருக்கு  மதுர  வார்தையன்றோ துணை - தூதர்களுக்கு  இனியமொழி
அன்றோ ஆதரவு?, நந்தமக்குத் துணையான  தண்டலைநீள்  நெறியாரே
நண்பரான  சுந்தரர்க்குத்  துணை - நமக்குத்  துணையாக இருக்கும்
தண்டலைநீள் நெறியாரே அவருக்குத் தோழரான சுந்தரர்க்குத் துணையானார்,
நாளும் ஏழையர்க்குத் தெய்வமே துணை என்பார் - எப்போதும் ஏழைகட்குத்
தெய்வமே ஆதரவு என்பார் (அறிஞர்).

     (வி-ரை.) ‘திக்கற்றவர்க்குத் தெய்வமே துணை' என்பது பழமொழி.

      (தொ-ரை.) வார் அஞ்சா முலையிடம் சேர் தண்டலைவரரே - கச்சுக்
கடங்காத முலையையுடைய உமையம்மையாரை இடப்பாகத்திற் கொண்டருளிய
தண்டலையாரே!, அதிவீரர் போர் அஞ்சார் - பெரிய வீரர்கள் போர்செய்ய
அஞ்சமாட்டார்கள், விதரணம் சேர் புருடர் பொருள் அஞ்சார் - கொடைப்
பண்புடைய ஆடவர் பொருளுக்கு அஞ்சிடார், மறைமுனிவர்கள் தோயும் நீர்
அஞ்சார் - மறையுணர்ந்த முனிவர் முழுகும் நீரைக் கண்டு (முழுக) அஞ்சிடார்
கற்பு உடைய நிறைசேர் மின்னார் நெருப்பு அஞ்சார் - கற்பினை யுடைய
ஒழுக்க மிகுந்த பெண்டிர் நெருப்பைக் கண்டு அஞ்ச