மாட்டார், இளஞ்சிங்கம் மதம் மா என்னும் கார் அஞ்சாது - இளைய சிங்கம்
மதமுடைய யானையாகிய மேகத்திற்கு அஞ்சிடாது, கனத்த வலிஆம் தூதன்
கால் அஞ்சான் - திண்ணிய வலிமையுடைய தூதுவன் நடைக்கு அஞ்சிடான்.

      (வி-ரை.) மறைமுனிவர் நீரின் முழுக அஞ்சாமை போலக் கற்புடைய
மாதர் நெருப்பில் முழுக அஞ்சார் என உவமைப்படுத்தல் சிறப்புடையது.

      (தொ-ரை.) சுபசாரம் தண்டலையார் வளநாட்டில் - நலம் நிறைந்த
தண்டலையாரின் வளம் நிறைந்த நாட்டினில் உபசாரம் செய்பவரை
விலக்கிடினும் அவர் செய்கை ஒழிந்துபோகாது - நலம் புரிவாரைத் தடுத்தாலும்
அவர் செயல் நீங்கிவிடாது, அபசாரம் செய்வோரை அடித்தாலும் வைதாலும்
அது நில்லாது - தீங்கு புரிவோரை ஒறுத்தாலும் பழித்தாலும் அச் செயல்
ஒழியாது, திருடருக்குத் தொழில் நில்லாது - திருடரை (என்ன செய்தாலும்)
திருட்டுத் தொழில் விடாது, விபசாரம் செய்வாரை மேனியெல்லாம் சுட்டாலும்
விட்டிடார் - விபசாரத் தொழிலில் ஈடுபட்டவரை உடம்பெல்லாஞ் சூடு
போட்டாலும் விடமாட்டார்.