(தொ-ரை.) சகம்மிக்க  தண்டலையார்  அடி போற்றும்  மகராசர்
சபையில்  வந்தால் - உலகிற்  சிறப்புற்ற  தண்டலையாரின்  திருவடியை
வணங்கும்  பெருமன்னர்களின் அவைக்குப் போனால், சுகம்  மிக்க
வேசையர்க்கு நூறு பொன் கொடுப்பர் - இன்ப மிகத் தரும் கணிகையர்க்கு
நூறு பொன் கொடுப்பார்கள், தமிழ் சொன்ன பேர்க்கோ அகம்மிக்க சோறு
இடுவர் - தமிழ்க் கவி கூறியவர்க்கு வீட்டில் மிகுந்துள்ள சோற்றைப்
போடுவர். அந்தணருக்கு எனின் நாழி அரிசி ஈவர் - அந்தணர்களுக் காயின்
படியரிசி கொடுப்பர். பகடிக்கோ பணம் பத்து திருப்பாட்டுக்கு ஒருகாசு
பாலிப்பார்! - பகடிக்கெனிற் பத்துப்பணமும் அழகிய பாவினுக்கு ஒரு காசும்
அளிப்பார்கள்.

      (வி-ரை.) பகடி - ஏமாற்றுகிறவன் (வெளிவேடக்காரன்). உலகம்
பொய்ம்மை வலையிலே விழுவது இயல்பு என்பதாம்.