(தொ-ரை.) தண்டலைநீள் நெறியாரே - தண்டலைநீள் நெறியாரே!,
பணந்தானே அறிவு ஆகும் - பணமே அறிவாக மாறும், பணந்தானே
வித்தையும் ஆம் - பணமே கல்வியைத் தரும், பரிந்து தேடும் பணந்தானே
குணம் ஆகும் - விரும்பிச் சேர்க்கும் பணமே குணமெனக் காட்சிதரும்,
பணம் இல்லாதவர் பிணம் ஆம் பான்மை சேர்வர் - பணமில்லாதோர்
பிணமென்னுந் தன்மையராவர், பணந்தானே பேசுவிக்கும் - பணமே
(பேசாதவரையும்) பேசுமாறு செய்யும், பார்மீதில் பணந்தானே பந்தியிலே
குலந்தானே குப்பையிலே படுக்கும் - உலகிலே பணம் பந்தியிலும் குலம்
குப்பையிலும் சேரும்.

      (வி-ரை.) ‘பணமில்லாதவன் பிணம்' ‘பணம் பந்தியிலே குலம்
குப்பையிலே' ‘பணம் பத்தும் செய்யும்' என்பன பழமொழிகள்.

      (தொ-ரை.) பனங்காட்டு நரிதானும் சலசலப்புக்கு ஒருநாளும்
பயப்படாது - பனங்காட்டு நரி எப்போதும்