சலசல
என்ற ஒலிக்கு அஞ்சிடாது; (அதுபோல), அனம் காட்டும் தண்டலையார்
அடியாரெல்லாம் ஒருவருக்கு அஞ்சுவாரோ - அன்னங்களைக் காண்பிக்கும்
(பொய்கைகளையுடைய) தண்டலையாரின் அடியவரெல்லாரும் ஒருவருக்கும்
அஞ்சமாட்டார்; புனம்காட்டும் மண்ணும் விண்ணும் அஞ்சவரும் காலனையும்
- காடுகளைக் காட்டும் மண்ணுலகும் வானுலகும் அஞ்சுமாறு வந்த எமனையும்,
இனம் காட்டும் மார்க்கண்டன் போடா என்று கடிந்து - அடியார்களின்
உறவைக் காட்டும் மார்க்கண்டன் போடா என்று விலக்கி, என்றும் பதினாறு
வயது பெற்றான் - எப்போதும் பதினாறு வயதினைச் (சிவபெருமானிடம்)
பெற்றான்.
(வி-ரை.)
‘பனங்காட்டு நரி சலசலப்புக்கு அஞ்சாது'
என்பது
பழமொழி.
| 74.
ஊரில் ஒருவன் தோழன் ....
சீரிலகும்
தண்டலையார் வளநாட்டில்
ஒருதோழன் தீமை தீர
வாரமிகும் பிள்ளைதனை அரிந்துண்டான்
ஒருவேந்தன் மணந்து கொண்ட
ஆர்வமிகு மனைக்கிழத்தி ஆண்டிச்சி
வடிவுகொண்டாள்!
ஆகை யாலே
ஊரிலொரு வன்தோழன்! ஆரும்அற்ற
தேதாரம்! உண்மை தானே? |
(தொ-ரை.)
சீர்இலகும்
தண்டலையார் வளநாட்டில் - அழகுமிக்க
தண்டலையாரின் வளமிக்க நாட்டிலே, ஒரு தோழன் தீமைதீர
வாரம்மிகும் பிள்ளைதனை அரிந்து உண்டான் - ஒரு நண்பனுடைய
பொல்லாங்கு நீங்க அன்பு மிகும் குழந்தையை அரிந்து உண்டான்,
ஒரு வேந்தன் மணந்துகொண்ட ஆர்வமிகும் மனைக்கிழத்தி ஆண்டிச்சி
வடிவு கொண்டாள் - ஓரரசன் மணம் புரிந்துகொண்ட அன்பு மிக்க
இல்லக்கிழத்தி ஆண்டிச்சியின் கோலங் கொண்டாள்.
|