புரிந்தாலும், அவர்பால் அனுபோகம் உண்டோ - அவர்களிடம் அந்த இன்பப்
பற்று இராது.

      (வி-ரை.) துறவிகள் உலகத்தோடு கலந்திருந்தாலும் பற்றற்றவராகவே
இருப்பார்கள் என்பது கருத்து.

      (தொ-ரை.) சோறு  என்ன செய்யும் - உணவு  யாது செய்யும்?,
எல்லாம் படைத்திடவே செய்யும் - எப்பொருளையும் ஆக்குமாறு புரியும்,
அருள் சுரந்து காக்கும் - அருள் மிகுந்து காப்பாற்றும், சோறு என்ன செய்யும்
-, எல்லாம் அழித்திடவே செய்யும் - எப்பொருளையும் அழிக்குமாறு புரியும்,
அதன் சொரூபம் ஆக்கும் - உணவின் வடிவம் ஆக்கும், சோறு என்ன
எளிதேயோ - உணவு அவ்வளவு  அற்பமா?,  தண்டலையார் தம் பூசை
துலங்கச் செய்யும் - தண்டலையாரின் வழிபாடு விளக்கமுறப் புரியும், சோறு
என்ன செயும் எனில் -, சொன்னவண்ணம் செயும் - நாம்  கூறியவாறு
முடித்துத்தரும், பழமை தோற்றும் - பழமையை உண்டாக்கும்.

      (வி-ரை.) தோற்றுந்தானே : தான், ஏ : அசைகள். ‘சோற்றுக்கில்லாச்
சுப்பன் சொன்னவெல்லாங் கேட்பான்' என்பது பழமொழி. ‘உணவின்
பிண்டம்' ஆகையால், அதன் சொரூபம் ஆக்கும் என்றார். தாம் அளிக்கும்
உணவுக்காகத் தம்மைப் பழைமையான உறவினர் என்று கூறி வருவோரை
நோக்கிப் ‘பழமை தோற்றும்' என்றார்.