(தொ-ரை.) எத்தருக்கும் உலுத்தருக்கும் ஈனருக்கும் மூடருக்கும்
இரக்கம்பாரா  மத்தருக்கும் - ஏமாற்றுவோரும் ஈயாரும்  இழிஞரும்
பேதையரும் அருட்பண்பிலா மயக்கரும் ஆகிய இவர்களுக்கு, கொடிது
ஆம் அவ் வக்குணமே நற்குணம்ஆ(க) வாழ்ந்துபோவார் - கொடியதான
அந்த  அந்தக்  குணமே  நற்குணமாகக்  கொண்டு  உலகிலே
வாழ்ந்தொழிவார்கள்; பத்தருக்கு நலம் காட்டும் தண்டலையாரே இவர்
நிலையை அறிவார் - அன்பருக்கு நன்மை பயக்கும் தண்டலையாரே
இவர்நிலையை அறிவார்; பழிப்பாரேனும் பித்தருக்குத் தம்குணமே நூலினும் செம்மையது ஆன பெற்றி ஆமே - [இவர்களின் நிலைமை (பிறர்)]
பழித்தாலும் வெறியருக்குத் தங்கள் குணமே நூலினும் செவ்வியதாக
இருப்பதைப்போல ஆகும்.

      (வி-ரை.) ‘கொடிறும் பேதையும் கொண்டது விடா' என்னும்
பழமொழியும், ‘காணாதாற் காட்டுவான் தான்காணான் காணாதான்
கண்டானாம் தான்கண்ட வாறு' என்னும் வள்ளுவர் வாய்மொழியும்
இங்கு நினைக்கத் தக்கன.